Charter Document - 06500209
| Charter Number: | 06500209 |
|---|---|
| Cartulary Title: | Matthei Parisiensis Chronica Major, Additamenta |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1259 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johannes de Cheyne miles filius Alexandri de Cheyne militis pro salute anime mee antecessorum et successorum meorum dedi concessi et hac presenti carta confirmavi Cheyne Deo et ecclesie Sancti Albani et monachis ibidem Deo servientibus et specialiter ad invenienda luminaria circa altare Beata Marie Virginis ubi cotidie celebratur Missa Sancte Marie in eadem ecclesia et pro ecclesia sine nota annuum redditum sex solidorum et octo denariorum cum pertinentiis provenientem de tenementis et mesuagiis que tenent Willelmus Breselance et Johannes Blacgrom et Nicholaus de Len videlicet de Willelmo Briselance et heredibus suis tres solidos et duos denarios provenientes de domo in qua habitat que est contra portam Sancti Albani juxta regiam stratam que se extendit versus Kingesbure Et de domo in qua habitat Johannes Blacgrom in eodem vico octodecim denarios Et de tenemento quod tenet Nicholaus de Len in vico de Fispolestrate duos solidos Dedi etiam et concessi eisdem istum redditum sex solidorum et octo denariorum cum pertinentiis una cum quinque mesuagiis que Gaufridus Nouwell et Benedicta uxor sua contulerunt et dederunt cum Johanna filia sua Johanni de Cleyne antecessori meo in liberum maritagium Et omnes alios redditus et jus et clamium quod habui vel habere potui in aliquibus redditibus vel tenementis in villa Sancti Albani in liberam puram et perpetuam elemosinam sine aliquo retene mento exceptis orationibus et officiis spiritualibus Et ego Johannes et heredes mei warentizabimus aquietabimus et defendemus predictum redditum cum pertinentiis dictis ecclesie et monachis et omnia alia in hoc instrumento contenta contra omnes homines Judeos seu Christianos In cujus rei testimonium presenti carte sigillum meum apposui His testibus Ricardo de le Hoc tunc senescallo libertatis ecclesie Sancti Albani Willelmo de Gorham Gaufrido de Childewic Radulpho Pyrot Rogero de Bachewrthe militibus Nicholao filio Andree tunc preposito ville Sancti Albani Johanne de Nortun Thoma de la Forde Johanne de Belvero burgensibus ejusdem ville et multis aliis
Source (click image below to view full size)
