Charter Document - 06500208

Alexander episcopus [] dilectis filiis nobilibus viris consiliariis carissimi in Christo filii nostri illustris regis Anglie ac ceteris proceribus et magnatibus regni Anglie salutem et Apostolicam benedictionem Venerabiles fratres Ebrendumensem et Taratasiansem archiepiscopos et dilectos filios magistros Rustandum capellanum nostrum et Johannem Clarel canonicum Suwellensis ecclesie necnon et nobilem virum Willelmum de Huntintoft et fratrem Willelmum ordinis militie Templi nuntios quos carissimus filius noster illustris rex Anglie ac vos etiam ad nostram presentiam destinastis necnon et litteras quas ipsi nobis ex parte ipsius regis et vestra presentare curarunt gratanter prout decuit et affectuose recipimus et tam ea que ipse continebant littere quam que iidem nuntii quos de multa diligentia sollicitudine ac providentia circa commissa eis negotia multipliciter possumus salva conscientia commendare coram nobis et nostris proposuere fratribus attente animadvertimus et intelleximus diligenter quia illius amoris precipui quo ipsum regem et vos specialiter amplexamur hoc efficit magnitudo quod et nuntios ipsius regis et vestros alacriter suscipimus et que nobis significatis libenter audimus Sane iidem nuntii penes nos ex parte ipsius regis et vestra discretis attentis et fidelibus supplicationibus institerunt nihil de his que petitiones regias ac vestras possent reddere efficaces penitus omittentes ut pro publicanda et firmanda pace que inter predictum regem et carissimum filium nostrum illustrem regem Francie fuerat reformata pro reformatione quoque ac bono salubri et prospero statu regni Anglie necnon pro ordinatione negotii regni Cicilie una cum predicto rege Anglie ac nobiscum melius facienda aliquem de latere nostro videlicet Romane ecclesie cardinalem commisso ei super premissis plene legationis officio concedere curaremus proponendo etiam et allegando tam publice quam privatim quam plures diversas et urgentes causas propter quas hujusmodi petitio non erat aliquatenus deneganda Porro filii predilecti hoc semper optavimus et inter alia desiderabilia cordis nostri hoc anxii expectavimus quod Ille in Cujus manu sunt omnium potestates et omnium jura regnorum horum eminentiorum seculi principum corda inclinaret ad pacem et quod discordes eorum mentes concorde sociaret vinculo eorumque pectora procul depulsis odiis abjectisque rancoribus sue dulcis et affluentis benignitatis gratia complacaret Unde quia omnipotens Dominus nostris in hoc desideriis plenaria satisfecit gratiarum sibi referimus multiplices actiones insistentes hujusmodi supplicationibus apud Eum ut paces et concordias hujusmodi altis in eisdem regibus faciat radicibus solidari De reformatione autem status regni Anglie que per illos potissime esse procurata dicitur qui in devotione ad nos et Ecclesiam stabiles et accensi studuere et adhuc student opera exercere justitie ac libertatem ecclesiasticam totis viribus defensare si hujusmodi reformatio prout speratur ad laudem Dei exaltationem ecclesie honorem et commodum dicti regis Anglie suique regni statum prosperum ac tranquillum facta et ordinata existit et nos in mirum valde gaudemus et tota quam plurimum exultat Romana mater Ecclesia firmoque intendit proposito et stabili intentione proponit reformationem hujusmodi congruis auctore Domino fulcire favoribus cunctisque studiis roborare Nec immerito cum predicti regni commoda sua propria reputet et profectus regno provenientes eidem sibimet ipsi existimet provenire De regno etenim ipso semper reges prodiere catholici qui claris fidei et devotionis titulis presigniti Deo se gratos per sancte conversationis merita et ecclesie predicte acceptos per obedientie et humilitatis opera exhibere multipliciter curaverunt De hoc regno suscepit semper et suscipit eadem ecclesia filios benedictionis et gaudii filios factis et fama pollentes filios etiam oportuni auxilii et favoris Hoc est graciosum speciosum et preciosum regnum cui Dominus in omnibus benedixit Hoc regnum est ager devotionis fertilis et amenus circa cujus munimen et cultum predicta ecclesia cogitare attentius et opem ad hoc propensioris studii administrare tenetur ut illud per devotionem sinceram solitum puritatis respiret odorem et per fidem integram expectatum constantie fructum reddat Verumque negotium regni Cicilie quod tam diu in prefati regis Anglie manibus non sine ipsius regis dispendio et magno predicte ecclesie detrimento languisse dinoscitur per eundem juxta nostri affectus plenitudinem promotum non extitit hactenus quod dolentes referimus nec speratur secundum ea que vidimus et que dicti nobis super ipso negotio exposuere nuntii utiliter posse consideratis ipsius regis viribus promoveri non attendentes quod non expediebat ecclesie neque ipsi regi Anglie pro ipso negotio in quo sicut scire vos credimus nullus ex nostra intervenerat sed omnis ex regia parte defectus destinare legatum habito super premissis omnium fratrum nostrorum cum multa deliberatione consilio memoratis nuntiis de ipsorum fratrum unanimi voluntate respondimus quod cum sepe sepius etiam ultra quam ecclesie expedivisset dicto regi Anglie ad ejus instantiam terminos ad prosequendum negotium ipsum diversis temporibus prefixos a nobis de mera sedis Apostolice gratia prorogavimus penas contentas in privilegio Apostolico super ipsius regni Cicilie concessione confecto de termino in terminum suspendendo ac mittendo et remittendo quam plures nuntios ad eundem ipse rex Anglie circa implendas conditiones sub quibus dictum regnum Scicilie concessum fuerat nato suo in omnibus hujusmodi terminis omnino defecerit propter quod liberum erat ipsi ecclesie de ipso Scicilie regno ordinare disponere et facere pro sue beneplacito voluntatis et etiam tractare de ipsius regni Scicilie negotio cum aliis personis cum quibus in hac parte conditionem suam posset facere meliorem legatum aliquem occassione negotii ipsius regni Cicilie non daremus Diximus tamen quod predictum jam initum et continuatum hactenus cum eodem rege Anglie non dis solvebamus vel rumpebam mus negotium pronuntiando illud dissolutum prout ex predicto privilegio competebat quod adhuc cum nullo rege vel principe vel alia quacunque persona super hujusmodi negotio tractabamus sed liberum erat nobis omnino cum omnibus qui vellent super eodem nobiscum tractare negotio assumere etiam et prosequi super hoc pro nostro arbitrio et voluntate tractatum Et si dictus rex Anglie ejusque filius omnes predictas conditiones et illam potissime de debitis usurarum sub quorum onerosa voragine predicta ecclesia vexatur angustiatur et premitur integre persolvendis plenaria nobis et efficaciter adimplerent antequam tractatus hujusmodi cum aliquo rege vel regibus aliquibus seu principibus aut aliis personis compleretur ipsos libentissime in hoc universis regibus et principibus orbis terre quantumcunque Christianissimis ac nobis et ecclesie devotissimis preferremus Excommunicationis autem quam dictus rex Anglie ac interdicti quod regnum suum juxta tenorem prefati privilegii ex hujusmodi regis defectibus incurrebant sententias de solita benignitate ac speciali gratia qua regem et regnum ipsum prosequimur sus pendendas duximus usque ad nostrum beneplacitum voluntatis Cumque demum dicti nunti apud nos ut concederemus legatum pro reliquis duo bus articulis videlicet pro dicte pacis publicatione ac etiam pro prefate reformationis negotio solite ac firmiter instarent superaddentes rationes multiplices ad hoc efficaces inductivas nos quia nostri propositum extitit hactenus et est semper ipsius regis Anglie et vestras petitiones cum ipsum regem inter ceteros orbis principes geramus in cordis visceribus predilectum audire libenter et quantum cum Deo possumus favorabiliter exaudire nihilque illi aut vobis quod absque nota et gravi periculo concedi valeat denegare communicato iterum fratrum consilio eisdem nuntiis duximus respondendum quod his que proposita fuerunt provida deliberatione pensatis legatum cardinalem nullatenus negabamus cum pro bono salubri ac prospero ipsius regni Anglie statu non recusaremus personam nostram exponere laboribus et dispendiis si necessitas immineret Verumtamen quia pauci sunt modernis temporibus in predicta Romana ecclesia cardinales quodque super statu ejusdem regni Anglie priusquam mitteretur legatus volebamus plenius instrui et reddi penitus certiores pro eo etiam quod predicte pacis publicatio pro qua specialiter legatos petebatur a nobis fieret forsitan antequam legatus posset in Franciam pervenire videbatur nobis hujusmodi missio legati ad presens fore necessario differenda Unde quia propter bonum dicti regis et regni Anglie expedire cognovimus ut dicti nuntii apud sedem memoratam donec super his a dicto rege et vobis haberetur responsio remanerent ipsi premissis omnibus plenius intellectis nostraque pura et sincera in hac parte intentione cognita deliberaverunt nostris se in hoc coaptantes beneplacitis vestrum apud eandem sedem super his responsum certum atque plenarium expectantes Ideo universitatem vestram monemus rogamus et hortamur attente per Apostolica vobis scripta mandantes quatinus convertentes diligentius attentius oculos ad premissa et considerantes cuncta discrete non moleste feratis si legatum ad presens distulimus destinare si enim omnia predicta et singula curaveritis discutere sapienter nequaquam ambigimus quin a vobis nostra responsio quam eisdem nuntiis de predictorum fratrum nostrorum consilio fecimus inspectis ut convenit circumstantiis universis rationabilis et idonea reputetur Statum autem ejusdem regis et regni Anglie atque vestrum et omnia ilium contingentia necnon ipsius regis et vestras super habendo legato voluntates et vota seriatim distincte ac expresse nobis intimare curetis Nam cum dictum regnum Anglie sicut novit Altissimus omni affectus et benivolentie plenitudine prosequamur et in cunctis ejus utilitatibus et prosperis eventibus specialiter delectemur cum etiam predic a Romana ecclesia sub diversitate temporum pro ipsius regni conservatione omnem quam potuerit adhibuerit et adhibere incessanter intendat opem et operam efficacem scire vos volumus quod in omnibus que regalis exaltationem solii vestrosque ac communes profectus ejusdem regni respiciunt nostrum et prefate auctore Deo sedis favorem promptum habebitis et paratum ita quod de legato mittendo si necessarium et oportunum fuerit vestris desideriis plenaria satis fiet Ceterum super his que iidem nuntii contra electum Wintoniensem coram nobis et predictis proposuere fratribus si vera sunt dolemus multipliciter et turbamur cum universos Christi fideles et specialiter ecclesiasticas et sublimes personas dirigi cupiamus ad Dominum et per suorum incedere semitam mandatorum Sed quia nullus legitimus habebatur apud eandem sedem pro ipsius electi parte defensor procedi de jure non potuit super illis justitiam tamen in qua sumus debitores omnibus faciemus Ad hec quia esse debetis circa predictorum regis et regni Anglie procurandas utilitates et promovenda commoda solliciti vigiles et attenti licet adjectione non egeat plenitudo ex tenera tamen quam habemus ad regem ipsum affectione sollicitandos vos duximus et observandos in Domino Jesu Christo ut circa eundem regem devotissimum utique ac Christianissimum principem et carissimam in Christo filiam nostram illustrem reginam Anglie uxorem ipsius eorumque natos sicut de divino et memorate sedis et nostro favore speratis et gratia debitam fidelitatem et reverentiam observare curetis scituri quod nos et predictos fratres nostros totamque Romanam ecclesiam habebitis exinde vobis et vestris perpetuis temporibus obligatos