Charter Document - 06500204

Dicant qui fuerint vicecomites sub vicecomites servientes itinerantes servientes hundredorum bedelli subbedelli et per quantum temporis steterint in ballivis suis et quid et quantum et a quibus predicti ceperint a quocunque et quacunque de causa quid et quantum ceperint per judicium comitatuum et hundredorum et quid et quantum sine judicio et pro quali transgressione que et quanta ceperint et a quibus pro placitis differendis et similiter properandis Item que et quanta ceperint pro preceptis domini regis exequendis et quid et quantum pro preceptis domini regis re tardandis Item quid et quantum ceperint pro juratoribus terrarum vel visoribus terrarum ne essent visores vel in assisis juratores Item quid et quantum ceperunt ne caperent homines pro felonia vel alia transgressione facta contra pacem domini regis Item que et quanta ceperint pro deliberatione captorum vel pro aliquo alio concelamento contra pacem domini regis Item que et quanta ceperint de catallis fugitivorum sive ut legatorum vel quotiens vel quanta ceperint amercimentorum fines ab illis qui amerciati fuerunt coram quibuscunque justitiariis et ea ad scaccarium non reddiderunt Item que et qualia solebant pertinere ad vicecomites et eorum tornatas Item quantum et in quibus ipsi vicecomiti accreverunt et ex quibus causis Item quid et quantum quotiens et a quibus ceperint pecuniam ultra id quod amerciati fuerint in itinere justitiariorum Item quid et quantum ceperint de his qui novi milites esse deberent ad certum terminum per preceptum domini regis pro eo quod non destringerentur Item de averiis cujuscunque captis injuste et contra justitiam detentis ad dampnum illius cujus averia fuerunt et de redemptionibus captis pro eisdem averiis deliberandis Item de cartis confectis per Judeos malitiose et que non sunt in archa et de falsariis cartarum tam de Judeis quam Christianis vel quis vel qui tales captos receperint custodiendos et scientes receperint ab aliquo vel aliquibus Christianis vel Judeis vel qui tales receperint nescientes illas contra justitiam esse factas Item de mensuris omnibus blado galonibus ulnis ponderibus non rectis quis vel qui illas habuerint vel quis vel qui per majores mensuras emerint per minores vendiderint tam infra libertates quam extra in civitatibus burgis portubus et alibi ubicumque Item de vicecomitibus et eorum bedellis et de ballivis libertatum et de omnibus ballivis quicunque fuerint quid et quantum ceperint occasione deliberationis galonis vel occasione ponendi vel amovendi aliquem vel aliquos sum monitos ad veniendum coram talibus justitiariis vel quid et quantum ceperint in eisdem ad differendum in laboribus et expensis Item de dominiis domini regis alienatis in terris redditibus servitiis advocationibus ecclesiarum in portibus maris hundredis alienatis sine waranto consuetudinibus subtractis vel concelatis in terra vel in mari tam in civitatibus burgis quam alibi que omnia domini regis esse deberent Quis vel qui eas subtraxerint vel concelaverint a quo tempore vel quis vel qui hec predicta teneant et quantum valent per annum et particulariter et distincte scribantur Et similiter fiat de terris Normannorum et aliorum qui non sunt ad fidem domini regis et escaetis et wardis quibuscunque ad dominum regem pertinentibus Item de coronat oribus et eorum clericis et servientibus quid et quantum ceperint de catallis fugitivorum et aliorum occasione officii sui que catalla domini regis esse deberent vel alicujus alterius de jure et quid et quantum ceperint pro officiis suis exequendis Item de ex captoribus quid et quantum ceperint de wardis escaetis saisinis factis de terris cujuscunque et quacunque de causa vel ad opus domini regis vel ad opus proprium vel aliorum Scribatur particulariter et distincte quid et quantum quilibet ceperit per se Item de Christiania usurariis et falsariis et tonsoribus monete et excambiatoribus contra assisam Item qui corrupti munere gratia vel odio vel favore loquelam vel judicium posuerint in respectum ad dampnum petentis vel tenentis Quid et quantum pro negotiis festinandis vel retardandis ut supra Item qui captores vel emptores fecerint prisas ad opus domini regis vel de pannis vel de cera alluta peletria et aliis cujuscunque hujusmodi Item de cujusmodi rebus fecerint prisas et de quibus ad quorum opus et quantum Item qui ceperint fines et quantum et a quibus mercatoribus possent vendere mercandisas suas pro voluntate sua et aliis quam domino regi Item mercatores illi qui constituti fuerint ad appreciandum mercandisas suas quid et quantum retinuerint ad opus proprium vel ad opus aliorum occasione captionum et prisarum predictorum et cujusmodi partium apposuerint vel ad opus domini regis vel aliorum Et quantum vendiderint vel vendi permiserint de captionibus et prisis predictis