Charter Document - 06500203

Henricus Dei gratia [] dilectis et fidelibus suis Roberto de Ros Alexandro de Andewille Gaufrido de Childewik et Henrico de Horwelle de comitatu de Hertford salutem Cum nuper in parlamenta nostro Oxonie communiter fuerit ordinatum quod omnes excessus transgressiones et injurie facte in regno nostro inquirantur per quatuor milites singulorum comitatuum ut cognita inde veritate facilius corrigantur qui quidem quatuor milites ad predictam inquisitionem fideliter faciendam corporale prestent sacramentum in pleno comitatu vel coram vicecomite et coronat oribus si comitatus ille in proximo non teneatur sicut singulis vicecomitibus injungimus mandamus vobis in fide qua nobis tenemini quod prestito prius hujusmodi sacramento sicut predictum est per sacramentum bonorum et legalium hominum de comitatu predicto per quos rei veritas inde melius sciri poterit diligenter inquiratis per comitatum predictum de omnibus excessibus transgressionibus et injuriis in eodem comitatu a temporibus retroactis per quascunque personas vel quibuscunque illatis Et hoc tam de justitiariis vicecomitibus quam aliis ballivis nostris et ceteris quibuscunque personis Et inquisitionem inde factam sub sigillis vestris et sigillis eorum per quos facta fuerit deferatis apud Westmonasterium in octabis Sancti Michaelis in propriis personis vestris liberandam consilio nostro ibidem Mandamus etiam vicecomiti nostro comitatus predicti quod accepto a vobis corporali sacramento in forma predicta tot et tales milites et alios ejusdem comitatus per quos predicta inquisitio melius fieri poterit venire faciat coram vobis ad dies et loca que ei assigna veritis Nolumus tamen vicecomitem nostrum ejusdem comitatus nunc presentem sub hujusmodi inquisitione comprehendi nisi ipse forsan prius vicecomes extiterit in comitatu predicto quia de illo tempore volumus quod de ipso sicut de aliis inquiratur Nec etiam volumus in predicta inquisitione revolvi transgressiones aut injurias qum alias coram justitiariis nostris per justum judicium curie nostre et secundum legem terre nostre terminate sunt aut per brevia nostra attachiate In cujus rei testimonium has literas nostras vobis mittimus patentes Teste meipso apud Westmonasterium xxviii die Julii anno regni nostri quadragesimo secundo