Charter Document - 06500176
| Charter Number: | 06500176 |
|---|---|
| Cartulary Title: | Cartulary of St. Albans |
| Charter Language: | Latin |
| Charter Origin: | Religious |
| Charter Type(s): | Election |
| Date: | 1257 |
| Date type: | Internal, A.D., Feast |
| Resource Link(s): |
British Library - Cotton MS Nero D I (f75r) |
Charter:
Universis Christi fidelibus per Romanum imperium constitutis Conradus Dei gratia Coloniensis ecclesie archiepiscopus Ytalie archicancellarius et Ludowicus comes Palatinus Reni salutem in Domino eternam Vacante nuper Romano imperio cum plures essent dies prefixi ad tractandum de rege Romanorum eligendo tandem octava die[s] Epiphanie Domini anno Ejusdem MCCLVI finaliter prefixa fuit apud Franckesfordiam ad celebrandum electionem dicti regis ad quam diem cum nos personaliter venissemus venerabili patre G[erardo] Dei gratia archiepiscopo Maguntino qui impedimento legitimo detinebatur nobis Coloniensi archiepiscopo vices suas in ipsa electione committente hac vice et nos in loco consueto et debito convenientes venerabilem fratrem A[rnoldum] Dei gratia Treverensem archiepiscopum et illustrem principem A[lbertum] ducem Saxonie per nuntios solemnes vocari fecimus et moneri quod venirent ad tractandum et eligendum communiter regem Romanorum Qui licet requisiti et expectati usque in sero nec venerunt nec vices suas aliquibus commiserunt Propter quod cum nec princeps illustris rex Boemie nec marchio de Brandeburge ad diem et locum venissent nec vices suas commisissent nec etiam aliqua excusatio processerit pro eisdem cum sic penes nos jus plenum remanserit eligendi dominum Ricardum comitem Cornubie fratrem domini H[enrici] regis Anglie illustrissimi tam morum quam generis precipue nobilitate pollentem elegimus in regem Romanorum Hinc est quod universitatem vestram rogandam duximus et monendam quatinus cum per ipsius industriam de qua nobis plene constat possit imperium gubernari et plenius disponente Altissimo reformari eidem fideliter et devote modis omnibus quibus poteritis intendatis et tanquam domino in omnibus obedire curetis In cujus rei testimonium sigilla nostra presentibus duximus apponenda Data die et anno predictis Valete
Source (click image below to view full size)
