Charter Document - 06500174

De prima parte libri qui appellatur evangelium eternum que prima pars dicitur preparatorium in evangelium eternum extrahi possunt hi errores qui sequentur Primus error est quod evangelium eternum quod idem est quod doctrina Joachim excellit doctrinam Christi et omnino Novum et Vetus Testamentum Secundus est quod evangelium Christi non est evangelium regni ac per hoc nec edificatorium ecclesie Tertius quod Novum Testamentum est evacuandum sicut Vetus est evacuatum Quartus quod Novum Testamentum non durabit in virtute sua nisi usque ad annum Incarnationis MCCLX Quintus quod illi qui erunt ultra tempus illud non tenebuntur recipere Novum Testamentum Sextus quod evangelio Christi aliud evangelium succedet Septimus quod nullus simpliciter idoneus est ad instruendum homines de spiritualibus nisi illi qui nudis pedibus incedunt De secunda parte ejusdem libri qui appellatur concordia Novi et Veteris Testamenti possunt isti errores extrahi qui sequuntur De primo enim libro hujus operis primo potest extrahi error iste videlicet quantumcunque Dominus affligat Judeos in hoc mundo tamen aliquos reservabit quibus benefaciet in fine etiam manentibus in Judaismo et quod in fine illos liberabit ab omni impugnatione hominum etiam in Judaismo manentes Secundo quod etiam nondum peperit neque pariet filios ecclesia ante finem regni temporalis quod finietur infra tempus predictum Et per hoc datur intelligi quod religio Christiana que jam multos peperit vocando ad fidem Christi non est ecclesia De secundo libro ejusdem partis extrahi possunt isti errores qui sequuntur Primus est quod evangelium Christi neminem ducit ad perfectum Secundus est quod adveniente evangelio Spiritus Sancti sive clarescente opere Joachim quod dicitur evangelium eternum sive Spiritus Sancti evacuabitur evangelium Christi Tertius est quod spiritualis intelligentia Novi Testamenti non est commissa populo Romano sed tantum litteralis et per hoc datur intelligi quod ecclesia Romana non potest judicare de spirituali intelligentia Novi Testamenti et si judicat temerarium est ejus judicium et non est adquiescendum ejus judicio et quod ipsa Romana ecclesia animalis est non spiritualis Quartus est quod recessus ecclesie Grecorum ab ecclesia Romana fuit a Spiritu Sancto et per hoc datur intelligi quod viri spirituales non tenentur Romane ecclesie obedire nec adquiescere ejus judiciis in his que Dei sunt Quintus est quod tertius ordo electorum qui secundum eundem librum est ordo religiosorum non tenetur se exponere morti pro defensione fidei aut pro conservatione cultus Christi in aliis hominibus Sextus est quod populus Grecus magis ambulat secundum Sanctum Spiritum quam populus Latinus ac per hoc magis est in statu salvandorum et quod magis est adherendum ei quam populo Romano sive ecclesie Romane Septimus quod sicut Filius operatur salutem populi Latini sive populi Romani quia Ipsum representat sic Spiritus Sanctus operatur salutem populi Greci quia Ipsum representat et per hoc datur intelligi quod Pater salvum faciet populum Judaicum quia Ipsum representat Octavus quod sicut veniente Johanne Baptista ea que precesserant reputata sunt vetera propter nova supervenientia ita adveniente tempore Spiritus Sancti sive tertio statu mundi ea que precesserant reputabuntur vetera propter nova que supervenient Et ex hoc datur intelligi quod Novum Testamentum reputabitur vetus et proicietur De tertio libro ejusdem partis unus error extrahi potest videlicet quod Spiritus accepit aliquid ab ecclesia sicut Christus in quantum homo accepit aliquid a Spiritu Sancto De quarto libro ejusdem partis in primo tractatu duo errores extrahi possunt Primus est studium evangelizandi et concordandi carnales genealogias que fuerunt in primo statu mundi et spirituales status secundi mundi contra Apostolum dicentem primo ad Thimotheum i Rogavi te ut denuntiares quibusdam ne aliter docerent neque intenderent fabulis et genealogiis indeterminatis que questiones magis prestant destructionem quam edificationem Secundus est studium manifestandi momenta atque tempora eorum que evenient in secundo statu mundi per ea que evenerunt in primo statu mundi contra illud Actus primo Non est vestrum noscere tempora vel momenta que Pater posuit in sua potestate In secundo ejusdem libri tractatu duo errores inveniuntur Primus est quod Christus et sancti Apostoli Ejus non fuerunt perfecti in vita contemplativa Secundus est quod activa vita usque ad tempus Joachim fructuosa fuit sed modo non est fructuosa contemplativa vero ab ipso fructificare cepit et amodo in perfectis successoribus suis perfectius manebit et per hoc datur intelligi quod ordo clericorum ad quos pertinet activa vita amodo non fructificabit in edificatione et conservatione ecclesie nec omnino in regimine sed ordo monachorum amodo in his fructificabit De quinto libro ejusdem partis In tractatu de septem diebus inveniuntur quatuor valde suspecta et diligenter examinanda Primum est quod aliquis de ordine religiosorum futurus est qui preferetur omnibus ordinibus dignitate et gloria in quo implebitur promissio Apostoli dicentis et dominabitur a mari usque ad mare [] Secundum est quod ille ordo in quo implebitur predicta promissio Apostoli tune convalescet quando ordo clericorum desinet parere qui partus secundum quod credit ecclesia non cessabit usque ad tempus Antichristi Tertium est quod ordo parvulorum erit ille ordo in quo implebitur predicta promissio Apostoli Quartum est quod sicut in primo statu commissum fuit regnum totius ecclesie a Patre aliquibus de ordine conjugatorum in quo auctorizatus est ille ordo et in secundo statu commissum est a Filio aliquibus de ordine clericorum in quo ab Ipso glorificatus est ille ordo sic in tertio statu committetur alicui vel aliquibus de ordine monachorum a Spiritu Sancto in quo ab Ipso Spiritu ille ordo clarificabitur Item in eodem quinto libro in tractatu de Jacob invenitur unum suspectum videlicet quod isti qui presunt collegiis monachorum diebus istis cogitare debent de recessu a secularibus et parare se ad redeundum ad antiquum populum Judeorum In eodem quinto libro in tractatu de Joseph et pincerna cui somnium aperuit invenitur quod predicatores qui erunt in ultimo statu mundi majoris erunt dignitatis et auctoritatis quam predicatores ecclesie primitive id est Apostoli Item in eodem libro in tractatu de tribus generibus hominum videlicet Israelitis Egiptiis et Babilonicis invenitur quod predicatores et doctores religiosi ipsi infestabuntur a clericis et transibunt ad infideles et timendum est ne ad hoc transeant ut cogantur ire ad prelium contra Romanam ecclesiam juxta doctrinam beati Johannis in Apocalipsi xvi Ex his autem que dicuntur in expositione historie de David potest intelligi quod ille qui composuit opus quod dicitur evangelium eternum non fuit Joachim sed aliquis vel aliqui moderni temporis quoniam ibi facit mentionem de Frederico imperatore persequente ecclesiam Romanam Item in eodem libro invenitur quod sacramenta nove legis evacuabuntur in tertio statu mundi et per evacuationem sacramenti altaris infert evacuationem aliorum sacramentorum Item in eodem libro in tractatu de historia de Judith invenitur quod sacramenta nove legis non durabunt amodo nisi usque ad annum Incarnationis MCCLX