Charter Document - 06500163
| Charter Number: | 06500163 |
|---|---|
| Cartulary Title: | Cartulary of St. Albans |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1256 |
| Date type: | Internal, A.D., Calendar |
| Resource Link(s): |
British Library - Cotton MS Nero D I (f104r) |
Charter:
Magister Rustandus domini Pape subdiaconus et capellanus negotii Crucis executor a sede Apostolica deputatus universis collectoribus decime in Saresberiensi Wintoniensi Londoniensi Rofensi Cicestrensi Lincolniensi Herefordensi Wigorniensi dioecesibus deputatis salutem in Domino Cum religiosi viri abbas et conventus Radingie sint Aldebrando Aldebrini et sociis suis mercatoribus Senensibus in Romana curia in quadringentis marcis sterlingorum per venerabilem patrem Herefordensem episcopum obligati ac intentionis domini Pape vel nostre non fuerit nec existat quod ultra decimam aliquid solvere teneantur volumus et presentium auctoritate mandamus quatinus decimam eos per quinquennium domino regi concessam contingentem integre assignetis eisdem in solutionem hujusmodi debitorum Et siquid ultra decimam supererit ad solvendum tantum de decima aliunde collecta ipsis assignare curetis ut inde satisfacere valeant mercatoribus antedictis Data apud Radingiam xvii kalendas Junii anno Domini MCCLVI
Source (click image below to view full size)
