Charter Document - 06500160
| Charter Number: | 06500160 |
|---|---|
| Cartulary Title: | Cartulary of St. Albans |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1256 |
| Date type: | Internal, Calendar, Regnal |
| Resource Link(s): |
British Library - Cotton MS Nero D I (f71v) |
Charter:
H[enricus] Dei gratia rex Anglie [] venerabili patri J[ohanni] eadem gratia titulo Sancti Laurentii in Lucina presbitero cardinali salutem et sincere dilectionis affectum Dilectionis prerogativa specialis qua inter cetera nostre ditionis collegia abbatem et monachos Sancti Albani Lincolniensis dioecesis carius amplexamur ad eorum indemnitati cum opus fuerit providendum multipliciter nos inducit Cum igitur magister J[ohannes] de Camezane domini Pape capellanus abbatem et conventum Sancti Albani super commutatione ecclesie de Wengrave sibi facienda de ecclesia de Herteburne quam episcopus Dunelmensis ad exhibitionem hospitum eis ad precum nostrarum instantiam caritatis intuitu concessit ipsos abbatem et conventum intolerabiliter aggravet et molestet trahendo ipsos in causam extra regnum nostrum contra indulgentiam nobis a sede Apostolica concessam quod grave ferimus et molestum ac idem abbas dilectum nostrum fratrem Willelmum de Hortone com monachum suum ad presentiam domini Pape transmittat tam pro predicto negotio quam aliis utilitatem ecclesie sue tangentibus prout idem Willelmus vobis viva voce intimabit dilectionem vestram de qua plenam gerimus fiduciam affectuose rogamus quatinus eundem Willelmum habere velitis in premissis specialiter recommendatum consilium et juvamen vestrum ei pro amore nostro taliter impensuri quod hoc ad retributionem condignam et vobis propter ad gratiarum merita oportunis temporibus teneamur T[este] meipso apud Framlingham ii die Aprilis anno regni nostri xl
Source (click image below to view full size)
