Charter Document - 06500158
| Charter Number: | 06500158 |
|---|---|
| Cartulary Title: | Cartulary of St. Albans |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1256 |
| Date type: | Internal, Calendar, Regnal |
| Resource Link(s): |
British Library - Cotton MS Nero D I (f71v) |
Charter:
Sanctissimo in Christo patri domino Alexandro Dei gratia summo pontifici H[enricus] eadem gratia rex Anglie dominus Hibernie dux Normannie Aquitannie et comes Andegavie salutem cum reverentia et honore Quia abbatiam Sancti Albani Lincolniensis dioecesis inter cetera regni nostri monasteria a nostris progenitoribus Anglie regibus fundata carissimam optinemus ipsius fatigationem indebitam graviter ferimus et moleste Cum igitur episcopus Dunelmensis ad exiguas predicte abbatie facultates que solitam hospitalitatis gratiam exhibendam minime suppetebant pietatis oculos benigne convertens superstite ultimo rectore ecclesie de Herteburne que est de patronatu abbatis Sancti Albani et prioris et conventus de Thinemue Dunelmensis dioecesis ad nostram dudum instantiam duxerit ordinandum ut dure partes proventuum ipsius ecclesie ad ampliationem hospitalitatis predicte cederent et residuum usibus vicarii in eadem ecclesia ministrantis remaneret de vestre paternitatis clementia quam in nostris petitionibus gratam semper invenimus et benignam potissime confidentes vobis duximus attentius supplicandum quatinus has preces nostras favore solito necnon caritatis intuitu complectentes ordinationem predictam acceptare ac eam confirmationis Apostolice presidio communire dignemini quod interno cordis desiderio peroptamus In his autem et aliis facultatem predicte abbatie tangentibus tanquam nostris favorem velitis et gratiam misericorditer impertiri et eo libentius si placet quod abbatia ilia vobis est et ecclesie Romane immediate subjecta Has igitur preces taliter exaudire velitis quod interventum nostrum sibi fructuosum sentiat per effectum T[este meipso] apud Framlingham ii die Aprilis anno regni nostri xl
Source (click image below to view full size)
