Charter Document - 06500151

Alexander episcopus servus servorum Dei dilectis filiis decano ecclesie Sancti Stephani Trecensis et magistro N[icholao] de Senis capellano nostro salutem et Apostolicam benedictionem Cum dilecti filii Bonaventura Bernardini Bartholmeus Gurdy Hogelinus Belmontis Capitinus Buchy Bonefacius Juncta Aldebrandinus Ildebrandini cives ac mercatores Senenses pro se et ceteris eorum sociis civibus et mercatoribus Senensibus venerabili fratri nostro episcopo Herfordensi nomine dilectorum filiorum abbatis et conventus monasterii Radingensis ordinis Sancti Benedicti Saresberiensis dioecesis renuntianti constitutioni de duabus dictis edite in Concilio generali et omnibus literis et indulgentiis a sede Apostolica impetratis ac etiam impetrandis quadringentas marcas sterlingorum bonorum et novorum tredecim solidis et quatuor sterlingis pro marca qualibet computatis auctoritate literarum nostrarum apud sedem Apostolicam pro expediendis dictorum abbatis et conventus ac monasterii negotiis mutuaverint certis eis loco et terminis persolvendas prout in instrumento publico exinde confecto plenius continetur discretioni vestre per Apostolica scripta mandamus quatinus si dicti abbas et conventus ac successores eorum in statutis loco et terminis juxta instrumenti predicti tenorem ita quod nulla alia probatio vel certitudo super hujusmodi debito exigatur mercatoribus ipsis quibus pretextu alicujus constitutionis canonice vel civilis aut cujuscunque privilegii vel indulgentie de quibus plenam et expressam oporteat in presentibus fieri mentionem probandi necessitatem incumbere nolumus quod pecunia ipsa in utilitatem prefatorum abbatis et conventus ac ecclesie sit conversa non satisfecerint de pecunia memorata vos in dictum abbatem et successores ipsius qui erunt pro tempore excommunicationis sententiam proferentes conventum ipsum sublato appellationis obstaculo subiciatis ecclesiastico interdicto et tamdiu abbatem et successores ipsius excommunicatos publice faciatis nuntiari singulis diebus Dominicis et festivis pulsatis campanis et candelis accensis donec prefatis mercatoribus de predicta pecunia cum justis et moderatis expensis ac debita restauratione dampnorum super quibus juramento alicujus mercatorum ipsorum sine aliqua alia probatione dicti abbas et conventus credere teneantur usuris omnino cessantibus fuerit satisfactum Si vero dicti abbas et conventus in hujusmodi sententiis per duos menses permanserint ab amministratione spiritualium et temporalium suspendatis eosdem prefigentes ipsis terminum peremptorium competentem quo abbas personaliter conventus vero per procuratores idoneos nostro se conspectui presentent penam debitam pro meritis recepturi contradictores per censuram ecclesiasticam appellatione postposita compescendo non obstante si dictis abbati et conventui aut aliquibus aliis ex eisdem quod excommunicari suspendi vel interdici aut conveniri extra certas dioeceses seu extra vel ultra certa loca vel ad solutionem aliquorum debitorum nisi creditores legitime probaverint ea in utilitatem predictorum abbatis et conventus seu ecclesie fuisse conversa compelli non valeant a sede Apostolica sit indultum aut quod Anglicis ab eadem sede concessum esse dicitur ne per literas sedis ipsius extra regnum Anglie valeant ad judicium evocari et universis privilegiis vel literis Apostolicis generalibus et specialibus sub quacumque forma verborum optentis et optinendis et quibuslibet aliis per que id impediri vel differri valeat et de quibus et eorum totis tenoribus de verbo ad verbum plenam et expressam fieri oporteat in presentibus mentionem et constitutione de duabus dictis edita in concilio generali vel si dicti abbas et conventus cruce signati sint vel cruce signari eos contigerit et indulgentiis [que] a predicta sede cruce signatis generaliter vel eorum aliquibus specialiter sint concesse vel in posterum concedentur Quod si non ambo his inter fueritis alter vestrum ea nihilominus exequatur Datum Ana[g]nie quarto nonas Augusti pontificatus nostri anno primo