Charter Document - 06500148
| Charter Number: | 06500148 |
|---|---|
| Cartulary Title: | Cartulary of St. Albans |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1254 |
| Date type: | Assigned |
| Resource Link(s): |
British Library - Cotton MS Nero D I (f125r) |
Charter:
H[enricus] Dei gratia rex Anglie dominus Hibernie dux Normannie Aquitanie et comes Andegavie archiepiscopis episcopis abbatibus prioribus archidiaconis officiariis decanis et omnibus aliis ecclesiarum prelatis per Angliam constitutis omnibus baronibus justitiariis vicecomitibus prepositis ministris et omnibus ballivis et fidelibus suis salutem Cum venerabiles patres W[alterus] et J[ohannes] Norwicensis et Cicestrensis episcopi ac dilectus nobis in Christo abbas Westmonasterii ad instantiam nostram et de consensu nostro auctoritate Apostolica propter Deum et salutem animarum Terre Sancte subsidium et honorem nostrum onus et officium predicationis crucis Christi collectionem decime beneficiorum ecclesiasticorum in subsidium predicte terre auctoritate premissa nobis concesse et alia que pertinent ad predicta negotia per regnum nostrum per se et per alios idoneos quibus vices suas super hoc duxerint committendas assumpserint exequenda vobis supplicamus attentius rogantes et exhortantes in Domino in fide qua Deo tenemini mandantes quatinus ob amorem Crucifixi Cujus negotium geritur in hac parte et ob reverentiam nostram ipsis et aliis quos pro predictis negotiis per literas suas ad vos contigerit destinari favorabiliter assistentes in omnibus his que contingunt officia supradicta ad promotionem dictorum negotiorum consilium auxilium et favorem benivolum prebere studeatis Tantum inde facientes [] Testibus A[lienora] regina nostra et R[icardo] comite Cornwallie
Source (click image below to view full size)
