Charter Document - 06500143
| Charter Number: | 06500143 |
|---|---|
| Cartulary Title: | Matthei Parisiensis Chronica Major, Additamenta |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1254 |
| Date type: | Internal, Calendar, Papal |
| Resource Link(s): |
|
Charter:
Innocentius quartus [] Ad memorium et observationem perpetuam Contra gravamina que in procurationibus ratione visitationis debitis inferuntur subditis a prelatis providerunt salubriter canonica instituta circa evectionum et personarum multitudinem epularum in moderantiam aliasque superfluitates statuendo modestiam debitam observari ut nec in exigendo numerum excederent prelati nec in exhibendo superflue subditi gravarentur [fieretque visitatio ad salutem animique letitiam et non ad afflictionem et tedium subjectorum] verum quia nonnulle adhuc de hujusmodi procurationibus querimonie audiuntur nos volentes pastorali sollicitudine providere taliter in hac parte quod tollatur omnis occasio gravandi et cesset prorsus materia murmurandi Apostolica auctoritate statuimus ut archiepiscopis episcopis archidiaconis aliisque prelatis personaliter visitantibus ab ecclesiis et locis visitatis exhibeantur procurationes in victualibus et aliis necessariis moderate ita quod hec secundum communem rerum estimationem singulorum locorum vel sumptuum qui super his fient summam seu valentiam quatuor marcarum argenti in nulla procuratione transcendant Proviso tamen quod secundum majorem vel minorem evectionum et personarum numerum pro majoritate vel minoritate prelatorum in Lateranensi concilio taxatum fiant usque ad summam ipsam vel infra hujusmodi procurationum expense Sed in locis in quibus major fertilitas vel copia rerum habentur et ubi minores sunt redditus et ecclesiastice facultates minus secundum ampliorem necessariorum ubertatem et parvitatem proventuum in ipsis procurationibus expendatur Si autem in hujusmodi procurationibus amplius fuerit expensum prelati eas recipientes restituere in utilitatem ecclesiarum a quibus ipsas receperint et illi qui eas exhibuerint erogare de suo proprio pauperibus duplum ejus quod taliter ultra expensum extiterit compellantur et alia nihilominus pena puniantur si visum fuerit expedire ceteris nihilominus que pro talibus visitationibus seu procurationibus generaliter statuta esse noscuntur manentibus semper salvis Nulli ergo hominum [] [Datum Laterani ii kal Martii anno undecimo]
Source (click image below to view full size)
