Charter Document - 06500140

H[enricus] Dei gratia rex Anglie dux [] Scias nos dedisse dilectis et fidelibus nostris venerabili patri P[etro] Herefordensi episcopo et Johanni Mansel preposito Beverlaci in solidum et utrique eorum separatim quos a presentiam illustris regis Castelle destinamus liberam et plenam potestatem contrahendi nomine nostro pacem et fedus amicitie cum predicto rege super articulis subscriptis Videlicet quod nos erimus imprisii ejusdem regis Castelle contra omnes homines et juva bimus eum cum toto posse nostro bona fide excepta ecclesia Romana et in facto et in guerra regis Navarre quia sumus cruce signati mittemus Edwardum primogenitum et heredem nostrum cum ab ipso rege Castelle fuerimus requisiti Et si acciderit quod idem Edwardus venire non poterit mittemus senescallum nostrum cum toto posse nostro ad guerram predictam Et predictus Edwardus accipiet in uxorem Alienoram sororem ipsius regis Castelle quam predicti nuntii nostri recipere debent nomine ipsius E[dwardi] de manu predicti regis Castellie et nos eam dotavimus secundum quod aliqua regina Anglie melius dotata fuerit vel honorata et assignabimus eidem Edwardo ad suam et uxoris sue sustentationem computatis tam terris sibi jam datis quam etiam dandis quindecim milia marcarum Et predictus Edwardus debet venire ad ipsum regem Castelle ad recipiendum ab eo cingulum militare Et hoc debet fieri infra proximum festum Sancti Johannis Baptiste in castello apud Burres vel citra Et nos dabimus Beatricem filiam nostram prefato regi maritandam uni ex fratribus suis germanis cui voluerit dummodo idem rex Castelle det eidem fratri suo tales divitias ex quibus possit eam honorifice dotare et sustentare secundum quod decebit filiam regis Et nos dabimus operam bona fide erga dominum Papam quantum poterimus ad convertendum crucesignatos ad partes Affricanas vel Marrochitanas Et si hec impetrare poterimus per nos vel dictus rex Castelle per se vel per alios nos ibimus ad partes prenominatas cum exercitu nostro scilicet quod ire debemus ad partes Jerosolimitanas in societate ipsius regis Castelle Et quicquid in simul lucrati fuerimus in predictis terris inter nos equaliter dividetur Et cum nos et predictus rex Castelle fuerimus amicitia conjuncti omnia dampna que illata sunt Gastoni de Bierre baronibus militibus et aliis de Wasconia causa predicti regis Castelle a tempore quo idem Gasto recepit militiam ab ipso rege et fuit ejus vassallus sive in hereditatibus sive in aliis rebus omnia ad rogatum ipsius regis Castelle debemus integrare et meliorare et eis remittere de querimoniis quas habemus contra eos Ita tamen quod si aliqui eorum aliquid habeant in manibus suis sive de castris sive de terris sive de aliis rebus que ad nos pertinent statim nobis vel predicto Edwardo filio nostro restituent et in aliis causis subibunt judicium curie nostre secundum quod consuevit judicari in curia Wasconie Et si ipsi noluerint vel [non] poterint judicium sustinere prefatus rex Castelle debet pro eis rogare sicut amicus rogat amicum et nos faciemus sicut pro amico Et cum nos et dominus rex Castelle facti fuerimus amici nos cum consilio ipsius operabimur super facto Gastonis quoad senes calcium Wasconie Similiter et de facto vicecomitis Limocensis prout videbitur esse honestum Et pro his omnibus supradictis complendis idem rex Castelle debet facere pro se et heredibus suis inperpetuum plenam quietantiam totius juris et clamii quod aliquo modo eis competit aut competere poterit in terra Wasconie vel aliqua parte illius terre nobis et heredibus nostris Et dictus rex Castelle debet esse impressius noster bona fide et juvabit nos cum toto posse suo contra regem Navarre et contra omnes homines de mundo In cujus rei testimonium has literas nostras fieri fecimus patentes Teste meipso Vesato octavo die Februarii anno regni nostri tricesimo octavo