Charter Document - 06500134

Universis Christi fidelibus presentes literas visuris vel audituris H[enricus] Lincolniensis ecclesie decanus salutem in Domino sempiternam Noveritis quod cum venerabilis pater dominus Cantuariensis archiepiscopus totius Anglie primas vacante sede Lincolniensi per mortem bone memorie R[oberti] quondam Lincolniensis episcopi exerceret jurisdictionem in civitate et dioecesi Lincolnie reclamantibus et contradicentibus nobis et capitulo nostro Lincolnie necnon et archidiacono ecclesie nostre Lincolnie providit dominus archiepiscopus predictus quod de consilio nostro et fratris A[dami] de Marisco daret duobus viris idoneis nobis nec capitulo nostro suspectis nex dictis archidiaconis suspectis jurisdictionem et potestatem qui de plano et absque strepitu recipient probationes et instrumenta tam super possessione quam super proprietate quas vel que nos et capitulum nostrum et archidiaconi supradicti producere voluerimus Insuper recipient probationes et audient defensiones quas prefatus dominus archiepiscopus voluerit proponere coram eis ita quod predicti viri quibus supradicto modo hoc negotium committetur infra festum beati Johannis Baptiste proximo venturum pronuntient diffinitionem tam super possessorio quam super petitorio secundum jura et rationes hinc inde allegatas et probatas Voluit autem et concessit dominus archiepiscopus quod si predicti ordinatores pronuntiaverint pro nobis et capitulo nostro et archidiaconis ecclesie Lincolnie in possessorio vel petitorio non prejudicetur nobis vel capitulo nostro nec archidiaconis predictis per exercitium jurisdictionis episcopalis qua nobis et capitulo nostro et archidiaconis predictis reclamantibus usus est dominus archiepiscopus in civitate et dioecesi Lincolnie quoad articulos illos in quibus pro nobis pronuntiaverint ordinatores supradicti Concessit etiam idem dominus archiepiscopus quod si iidem ordinatores vel eorum alter sublati essent de medio vel causa peregrinationis abessent vel aliquo alio legitimo impedimento detenti non pronuntiarent infra tempus supradictum de consilio nostro et fratris A[dami] de Marisco alios idoneos neutri parti suspectos qui in dicta forma predictum decidant negotium sub rogabit Si vero infra dictum festum beati Johannis Baptiste non fuerit pronuntiatum salvum erit et remaneat utrique parti jus suum tam in possessorio quam in petitorio non obstante dicte jurisdictionis episcopalis exercitio prenotato ita videlicet quod pendente dicto negotio per nos seu capitulum nostrum vel dictos archidiaconos dicte jurisdictionis exercitium quam exercebit dominus archiepiscopus nobis reclamantibus ut supradictum est interim facto non impedietur vel fraude Voluit etiam et concessit dictus dominus archiepiscopus quod nobis et capitulo nostro seu dictis archidiaconis nullo tempore possit obici ab ipso archiepiscopo vel successoribus suis quod dictam jurisdictionem de nostro capituli seu archidiaconorum consensu seu conniventia in predictis civitate et dioecesi Lincolnie exercuerit In cujus rei testimonium et probationem nos decanus Lincolnie habentes mandatum speciale a Lincolniensi capitulo super ratihabitione omnia predicta et specialiter et expresse in supradicta forma approbantes sigillum nostrum presentibus literis apposuimus in testimonium veritatis Data apud Croidene in crastino Confessoris anno Domini MCCLIII