Charter Document - 06500129

Innocentius [] de Bello et de Waltham abbatibus Cicestrensis et Londoniensis dioecesum salutem et Apostolicam benedictionem Olim ad nostram perlato audientiam quod abbates priores et monachi ordinis sancti Benedicti Cantuariensis provincie statuta pro reformatione ipsius ordinis a felicis recordationis Gregorio Papa predecessore nostro edita non servabant venerabili fratri nostro Cantuariensi archiepiscopo ejusque suffraganeis per nostras sub certa forma literas dedemus in preceptis ut inquisita super hoc diligentius veritate statuta ipsa facerent ab universis personis ejusdem ordinis civitatum et dioecesum suarum tam exemptis [quam] non exemptis exacta diligentia observari Nos igitur dilectorum filiorum abbatis et conventus monasterii Sancti Augustini Cantuariensis dicti ordinis precibus inclinati presentium vobis auctoritate mandamus quatinus si quas excommunicationis suspensionis vel interdicti sententias idem archiepiscopus in eundem abbatem vel personas alias ejusdem monasterii ipsumque monasterium literarum auctoritate hujusmodi per se vel per alium promulgaverit vos ipsas vice nostra sine difficultate aliqua relaxantes [dispensetis cum eisdem abbate ac personis super irregularitatis macula si qua exinde forsitan contraxerunt] nec permittatis eosdem literarum vel sententiarum ipsarum pretextu ab aliquibus molestari molestatores hujusmodi per censuram ecclesiasticam appellatione postposita compescendo Non obstante si aliqui ex indulto Apostolico excommunicari suspendi vel interdici non possint per literas Apostolicas absque nostro speciali mandato faciente plenam et expressam de verbo ad verbum de indulto mentionem Quod si non omnes [] Datum Assisii quinto kal Septembris Pontificatus nostri anno undecimo