Charter Document - 06500127

H[enricus] Dei gratia rex [] vicecomiti Esexie et Hertfordie salutem Summone per bonos sub monitores omnes milites et omnes libere tenentes de comitatibus predictis et de qualibet villa quatuor homines et prepositum et de quolibet burgo duodecim legales burgenses qui sint coram dilecto et fideli nostro Henrico de Colevilla ad dies et loca quos tibi scire faciet ad audiendum et faciendum preceptum nostrum Venire etiam facias coram eo ad eosdem dies et loca omnes eos qui jurati sunt ad arma et jurari debent cum armis suis ad que jurati sunt et esse debent audituri et facturi preceptum nostrum Et interim diligenter inquiras qui fecerunt ultimo scrutinium de armis in comitatibus predictis et qui ultimo inde sacramentum ceperunt et ubi rotuli de scrutinio illo et sacramento fuerunt Et rotulos illos habeas coram prefato Henrico predictis diebus et locis et tu ipse tunc ibi sis in propria persona tua ad exequendum ea que idem Henricus tibi ex parte nostra precipiet Et si ballivi libertatum qui returnum habent brevium nostrorum istud mandatum nostrum executi non fuerint non omittas quin libertates illas ingrediaris ad idem mandatum exequendum Teste meipso apud Portesmuthe xviii die Julii anno regni nostri xxxvii