Charter Document - 06500123
| Charter Number: | 06500123 |
|---|---|
| Cartulary Title: | Matthei Parisiensis Chronica Major, Additamenta |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1253 |
| Date type: | Assigned |
| Resource Link(s): |
|
Charter:
Henricus Dei gratia rex Anglie dominus Hibernie dux Normannie Aquitannie et comes Andegavie vicecomiti Suthantonie salutem Sciatis quod archiepiscopi episcopi comites barones abbates priores et alii magnates de regno nostro concesserunt nobis rationabile auxilium ad primogenitum filium nostrum militem faciendum scilicet quadraginta solidos de singulis feodis militum que tenentur a nobis in capite unde reddent nobis unam medietatem ad scaccarium nostrum Sancti Michaelis anno regni nostri tricesimo septimo et aliam medietatem ad scaccarium Pasche proximo sequens nos concessimus eisdem archiepiscopis episcopis abbatibus et prioribus quod ipsi de tenentibus suis per servitium militare levare possint tantum de eodem auxilio ad opus suum quantum nobis reddent de feodis que de nobis tenent in capite et ideo tibi precipimus quod distringas omnes tenentes de A[thelmaro] Wintoniensi electo in balliva tua per servitium militare ad reddendum eidem predictum auxilium sicut predictum est Teste me ipso []
Source (click image below to view full size)
