Charter Document - 06500119

Innocentius quartus episcopus [] salutem et Apostolicam benedictionem Cum sicut accepimus abbates priores et monachi ordinis Sancti Benedicti tue civitatis et dioecesis statuta pro reformatione ipsius ordinis a felicis recordationis Gregorio ix predecessore nostro edita que tibi sub bulla nostra non retinenda sed transcribenda ut exinde certior habearis transmittimus non observent fraternitati tue per Apostolica scripta in virtute obedientie firmiter precipiendo mandamus quatinus inquisita super hoc per te ac per alios diligentius veritate statuta ipsa facias ab universis personis ejusdem ordinis predicte civitatis et dioecesis tam exemptis quam non exemptis exacta diligentia observari in transgressores eorum rigorem [exercens] ecclesiastice ultionis non obstante si eisdem abbatibus prioribus aut monachis vel eorum collegiis quod excommunicari suspendi aut interdici non valeant a sede Apostolica sit indultum sive quibuscunque indulgentiis privilegiis libertatibus immunitatibus seu literis Apostolicis optentis vel etiam optinendis et quibuslibet aliis per que hoc impediri valeat vel differri et de quibus vel quorumlibet ordinibus vel locis aut eorum nominibus in presentibus specialem aut expressam oporteat fieri mentionem renuntians dispensationes vel absolutiones super mitigatione vel transgressione statutorum ipsorum quibuscunque absque speciali sedis Apostolice auctoritate concessas vel in posterum concedendas nullius existere firmitatis Per te quoque in tua civitate et dioecesi volumus diligenter inquiri si que dictarum personarum ipsa statuta hactenus non servarunt et si quas istarum inveneris eadem non servasse nobis tuis literis studeas fideliter intimare contradicentes per censuram ecclesiasticam appellatione postposita compescendo Data Perusii idus Martii Pontificatus nostri anno decimo