Charter Document - 06500115

Innocentius [] dilectis filiis archidiacono Cantuariensis et magistro Innocentio scriptori nostro in Anglia commoranti salutem et Apostolicam benedictionem Cum dilectus filius noster G[uillelmus] Sancti Eustachii diaconus cardinalis dilecto filio Fretherico de Lavania clerico ac nepoti nostro de speciali mandato nostro canonicum Lincolnie cum plenitudine juris canonice duxerit conferendum ipsum per suum anulum corporaliter et presentialiter investiens de eodem ut ex tunc canonicus Lincolnie existat et plenum nomen et jus canonici consequatur ibidem ac prebendam si qua vacaverit in ecclesia Lincolnie a tempore quo dudum litere nostre super receptione ac provisione facienda sibi in eadem ecclesia de premissis venerabili fratri nostro Lincolniensi episcopo presentate fuerunt alioquin primo vacaturam conferendam sibi donationi Apostolice reservaret decernendo irritum et inane si quid de prebenda hujusmodi a quoquam fuerit attemptatum necnon in contradictores et rebelles excommunicationis sententiam nihilominus promulgando prout in literis cardinalis ejusdem exinde confectis plenius continetur Nos ipsius F[retherici] devotis supplicationibus inclinati quod ab eodem cardinali super hoc factum est ratum et gratum habentes illud auctoritate Apostolica duximus confirmandum Quo circa discrescioni vestre per Apostolica scripta mandamus quatinus eundem F[rethericum] vel procuratorem suum ejus nomine in corporalem possessionem vel quasi predictorum canonicatus et prebende auctoritate nostra inducatis et defendatis inductum contradictores per censuram ecclesiasticam appellatione postposita compescendo non obstantibus aliquibus consuetudinibus vel statutis juramentis vel confirmationibus sedis Apostolice seu quacunque firmitate alia roboratis vel quod dictus F[rethericus] presens non fuerit ad prestandum juramentum de observandis consuetudinibus ejusdem ecclesie consuetis sive si prefato episcopo vel capitulo ipsius ecclesie communiter vel singillatim seu aliis quibuscunque personis a dicta sede indultum existat quod ad receptionem vel provisionem alicujus compelli [nequeant] sive quod quivis alius in eorum ecclesia nemini provideri valeat vel quod interdici aut suspendi aut excommunicari non possint per literas Apostolicas sub quacunque forma verborum obtentas vel etiam optinendas etiam si totus tenor indulgentiarum hujusmodi de verbo ad verbum in eisdem literis [sit] insertus sive quibuslibet aliis indulgentiis quibuscunque personis dignitati vel loco sub quacunque forma verborum concessis a sede predicta vel etiam concedendis per quas effectus provisionis hujusmodi possit impediri ali quatinus vel differri cum velimus eas de certa scientia quantum ad provisionem factam et faciendam predicto F[retherico] in ecclesia Lincolnie viribus omnino carere Ceterum si aliqui predicto F[retherico] vel procuratori suo super premissis vel aliquo premissorum se aliquatenus duxerint opponendos illos ex parte nostra citare curetis peremptorie ut compareant infra duorum mensium spatium post citationem vestram personaliter coram nobis eidem F[retherico] super premissis legitime responsuri non obstantibus privilegiis sive quibuslibet indulgentiis personis regni Anglie generaliter vel cuivis alii persone dignitati vel loco specialiter a predicta sede sub quacunque forma verborum concessis quod non possint citra mare seu extra civitatem vel dioecesim suam in judicium evocari per literas Apostolicas sub quacunque forma verborum obtentas que privilegia vel indulgentias eisdem personis de certa scientia nullatenus volumus suffragari et constitutione de duabus dictis in concilio generali edita Diem autem citationem et formam nobis vestris literis tenorem presentium continentibus fideliter intimetis Quod si non ambo his exequendis potueritis interesse alter vestrum ea nihilominus exequatur Datum Perusii vii kalendas Februarii pontificatus nostri anno decimo