Charter Document - 06500112
| Charter Number: | 06500112 |
|---|---|
| Cartulary Title: | Matthei Parisiensis Chronica Major, Additamenta |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1252 |
| Date type: | Internal, A.D. |
| Resource Link(s): |
|
Charter:
Anno gratie MCCL secundo Hec est conventio facta inter Reginaldum filium Henrici de Trumpinton ex una parte et Christianam relictam ejusdem Henrici predicti ex altera videlicet quod predictus Reginaldus dimisit et concessit predicte Christiane nomine dotis cunctis diebus vite sue unam sopam cum suis pertinentiis in villa Sancti Albani in vico qui vocatur Chirchestrate videlicet illam sopam que est inter sopam coquinarii Sancti Albani et mesuagium quod quondam fuit Walteri de Bockmerk reddendo inde annuatim capitalibus dominis feodi quantum ad prefatam sopam pertinet una cum tribus solidis annuatim quos ego predictus Reginaldus vel attornatus meus pacare debemus predicti Christiane cunctis diebus vite sue ad quatuor terminos anni ad quemlibet terminum ix denarios Et sciendum quod predicta Christiana distringere debet totum tenementum meum in Daginhale cum suis pertinentiis quod est inter mesuagium quod quondam fuit magistri Nicholai de Sancto Albano et mesuagium Petri Bacun si in solutione alicujus termini desisto Ut autem hec conventio firma sit et stabilis alter alteri scripto in modum cirografi confecto sigillum suum apposuit His testibus Johanne Astmar tunc preposito Johanne Lanario Willelmo le Noreys Alexandro Cissore Thoma Beneyt Reginaldo Din Johanne de Beaver Johanne de Hampthne Gaufrido Stabulario et multis aliis
Source (click image below to view full size)
