Charter Document - 06500109
| Charter Number: | 06500109 |
|---|---|
| Cartulary Title: | Cartulary of St. Albans |
| Charter Language: | Latin |
| Charter Origin: | Religious |
| Charter Type(s): | Letters Patent |
| Date: | 1252 |
| Date type: | Internal, A.D., Calendar |
| Resource Link(s): |
British Library - Cotton MS Nero D I (f71r) |
Charter:
Universis presentes litteras inspecturis J[ohannes] permissione divina abbas de Sancto Albano et ejusdem loci humilis conventus Lincolnensis dioecesis salutem in Domino Noverit universitas vestra nos fecisse constituisse et ordinasse nostros nuntios et procuratores ad impetrandum et contradicendum et judices eligendos in curia domini Pape et specialem gratiam ab eodem domino Papa impetrandam dilectum fratrem nostrum et com monachum W[illelmum] de Sancto Eadmundo et dominum Willelmum de Sancto Eadwardo clericum Damus etiam eis ambobus vel uni eorum plenam et liberam potestatem contrahendi mutuum pro nostris et ecclesie nostre negotiis in dicta curia utiliter expediendis a quibuscunque voluerint mercatoribus usque ad summam quinquaginta marcarum bonorum novorum et legalium sterlingorum Ad majorem autem hujus rei securitatem promittimus et tenemur dictam pecuniam mutuo receptam reddere et solvere illis a quibus ipsa fuerit mutuo recepta cum omnibus pactis et conventionibus secundum quod conveniet inter ipsos promittentes nos secundum quod in omnibus et per omnia nomine nostro et ecclesie nostre dicti procuratores nostri promittent aut unus eorum promittet Obligamus etiam nos et renuntiamus et juramus secundum formam quam ipsi nomine nostro et ecclesie nostre promittent obligabunt et renuntiabunt et jurabunt aut unus eorum promittet obligabit et renuntiabit et jurabit observare et adimplere ratum et gratum habituri quicquid ambo vel unus eorum duxerint seu duxerit in premissis faciendum In cujus testimonium has litteras nostris sigillis signavimus Datum publice in capitulo nostro mense Septembris anno Domini millesimo ducentesimo quinquagesimo secundo
Source (click image below to view full size)
