Charter Document - 06500108
Charter Number: | 06500108 |
---|---|
Cartulary Title: | Cartulary of St. Albans |
Charter Language: | Latin |
Charter Origin: | Religious |
Charter Type(s): | Appointment |
Date: | 1252 |
Date type: | Assigned |
Resource Link(s): |
British Library - Cotton MS Nero D I (f70v) |
Charter:
Sanctissimo patri in Christo et domino reverendo Innocentio Dei gratia sacrosancte Romane ecclesie pontifici summo devoti filii sui abbas et conventus de Sancto Albano cum omni obedientia et reverentia devota pedum oscula beatorum Ad impetrandum et contradicendum et in judices conveniendum et etiam specialem gratiam a vestra sanctitate petendam et optinendam dilectos nobis in Christo fratrem Willelmum de Sancto Eadmundo com monachum nostrum et dominum Willelmum de Sancto Edwardo clericum procuratores nostros constituimus ratum habituri et gratum quicquid iidem sive eorum alter qui pro tempore presens fuerit nomine nostro fecerit seu fecerint Conservet Altissimus ecclesie Sue sancte per tempora longiora