Charter Document - 06500105
| Charter Number: | 06500105 |
|---|---|
| Cartulary Title: | Cartulary of St. Albans |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1252 |
| Date type: | Internal, Calendar, Papal |
| Resource Link(s): |
British Library - Cotton MS Nero D I (f107v) |
Charter:
Innocentius episcopus servus servorum Dei dilectis filiis Sancti Albani Sancti Edmundi et de Waltham Lincolniensis Norwicensis et Londoniensis dioecesum abbatibus salutem et Apostolicam benedictionem Ex parte venerabilium fratrum nostrorum Elyensis Lincolniensis Wigorniensis Londoniensis Norwicensis Cicestrensis Exoniensis Conventrensis et Lichefeldensis Saresberiensis Bathoniensis et Wellensis Menevensis de Sancto Asaph et Rofensis episcoporum et dilecti filii Wintoniensis electi provincie Cantuariensis nobis extitit intimatum quod si quando ab eis pro aliqua causa a suis subditis ad sedem Apostolicam necnon et ad metropolitanum appellari contingat idem metropolitanus ut eosdem subditos [in] interpositis ad sedem eandem appellationibus foveat secundum ipsius provincie consuetudinem suum officium interponit pro ipsis subditis contra eosdem episcopos pretextu defensionis hujusmodi sive legitime sive illegitime appellatum existat indifferenter eisdem episcopis ne post appellationes subditorum ipsorum procedant pro suo libito prohibendo quocirca discretioni vestre per Apostolica scripta mandamus quatinus metropolitano ipsi auctoritate nostra inhibere curetis ne jurisdictionem episcoporum et electi eorundem aliquatenus impediat [aut] ad hujusmodi prohibitionem procedat prius quam constiterit fore a predicta sede tales appellationes admissas eum si qua presumpserit ab hac presumptione monitione premissa auctoritate nostra appellatione postposita compescendo salva eidem metropolitano taliter appellationum tuitione ne in personis vel rebus capiantur fidejussoribus aut pignoribus seu quibuslibet aliis obligationibus aggraventur quia secundum formam juris suas valeant appellationes prosequi ad sedem Apostolicam interjectas Non obstante si ei ab Apostolica sede indultum existat quod per literas Apostolicas interdici aut excommunicari nequeat aut suspendi nisi in eisdem literis de indulto hujusmodi et toto tenore ejus de verbo ad verbum plena et expressa mentio habeatur Quod si non omnes his exequendis potueritis interesse duo vestrum ea nihilominus exequantur Datum Perusii kalendis Junii Pontificatus nostri anno nono
Source (click image below to view full size)
