Charter Document - 06500103

Henricus Dei gratia [] rex vicecomiti tali vel tali salutem Sciatis quod ad pacem nostram firmiter observandam provisum est de consilio nostro quod vigilie fiant in singulis civitatibus burgis et omnibus aliis villis comitatus tui a die Ascensionis Domini usque ad festum Sancti Michaelis scilicet in singulis civitatibus ad singulas portas per sex homines armis munitos et in singulis burgis per duodecim homines et in singulis villis integris per sex homines vel quatuor ad minus similiter armis munitos secundum numerum inhabitantium Et vigilent continuo per totam noctem ab occasu solis usque ad ortum ita quod si aliquis extraneus transitum per ipsos faciat arestent usque mane et tunc si fidelis sit dimittatur et si suspectus sit vicecomiti liberetur qui ipsum sine omni difficultate et dilatione recipiat et salvo custodiat Si vero hujusmodi extranei transitum facientes se non permiserint arestari tunc predicti vigiles uthesium levent super eos undique et eum insequantur cum tota villata et vicinis villatis cum clamore et uthesio de villa in villam donec capiantur et tunc liberentur vicecomiti sicut predictum est Ita quod nullus occasione hujusmodi arestationis vel captionis extraneorum per vicecomitem vel per ballivos suos occasionetur Et singule civitates burgi et ville premuniuntur ad singulas predictas vigilias et sectas ita diligenter faciendum ne defectum illorum graviter punire debeamus Provisum est etiam quod singuli vicecomites una cum duobus militibus ad hoc specialiter assignatis circumeant comitatus suos de hundredo in hundredum et civitates et burgos et convenire faciant coram eis in singulis hundredis civitatibus et burgis cives burgenses libere tenentes villanos et alios etatis quindecim annorum usque ad etatem sexaginta annorum et eosdem faciant omnes jurare ad arma secundum quantitatem terrarum et catallorum suorum scilicet ad quindecim libratas terre unam loricam capellum ferreum gladium cultellum et equum ad decem libratas terre unum habergetum capellum ferreum gladium et cultellum ad centum solidatas terre unum purpunctum capellum ferreum gladium lanceam et cultellum ad quadraginta solidatas terre et eo amplius usque ad centum solidatas terre gladium arcum sagittas et cultellum qui minus habent quam quadraginta solidatas terre jurati sint ad falces gisarmas cultellos et alia arma minuta ad catalla sexaginta marcarum unam loricam capellum ferreum gladium cultellum et equum ad catalla quadraginta marcarum unum haubercum capellum ferreum gladium et cultellum ad catalla viginti marcarum unum per punctum capellum ferreum gladium et cultellum ad catalla decem marcarum gladium cultellum arcum et sagittas ad catalla quadraginta solidorum et eo amplius usque ad decem marcas falces gisarmas et alia arma minuta Omnes enim alii qui possunt habere areus et sagittas extra forestam habeant qui vero in foresta habeant areus et pilatos In singulis civitatibus et burgis jurati ad arma sint coram majoribus civitatis et prepositis et ballivis burgorum ubi non sunt majores In singulis vero villatis aliis constituatur unus constabularius vel duo secundum numerum inhabitantium et provisionem predictorum In singulis vero hundredis constituatur unus capitalis constabularius ad cujus mandatum omnes jurati ad arma de hundredis suis conveniant et eis sint intendentes ad faciendum ea que spectant ad conservationem pacis nostre Clamare etiam faciant singuli vicecomites per civitates et burgos et omnia mercata ballivorum suorum quod nulli conveniant ad turniandum vel burdandum nec ad alias quascunque aventuras Nec etiam aliqui incedant armati nisi specialiter fuerint ad custodiam pacis nostre deputati Et si aliqui fuerint inventi sive incedentes armati contra hanc provisionem nostram arestentur et vicecomiti liberentur Et si se non permiserint arestari tunc constabularii singulorum hundredorum et villatarum et alii quicunque sint uthesium levent super eos undique et cum vicinis villis et de villa in villam ipsos insequantur donec capiantur et vicecomiti liberentur sicut predictum est Quotiens autem contigerit hutesium levari super quoscunque perturbatores pacis nostre predones et malefactores in parcis vel vivariis statim super eos fiat uthesium et ipsos insequantur donec capiantur et vicecomiti liberentur sicut de aliis predictum est Et omnes vicecomites et eorum ballivi constabularii jurati ad arma cives burgenses libere tenentes et villani talem sectam faciant propter predictos malefactores ne ipsi malefactores evadant et ne si pro eorum defectu evadant hi in quibus defectus inventus fuerit graviter puniri debeant et sic per consilium nostrum puniantur quod pena illorum aliis metum incutiat et auferat materiam delinquendi Suspectos autem de die per quascunque arestationes recipiant arestatos vicecomites sine dilatione et difficultate salvo custodiant donec per legem terre delaberentur Et ideo tibi precipimus quod sicut corpus tuum et omnia tua diligis una cum dilectis et fidelibus nostris Henrico filio Bernardi Petro de Godlintuna quos tibi ad hoc assignavimus omnia predicta sub forma prescripta cum diligentia exequaris ne pro defectu tui et predictorum H[enrici] et P[etri] ad te et ad ipsos nos graviter capere debeamus Teste archiepiscopo Eboracensi apud Westmonasterium vigesimo die Maii anno regni nostri scilicet Henrici filii regis Johannis tricesimo sexto