Charter Document - 06500102

Venerabili ac dilecto sibi in Christo fratri Galtero de Sancto Martino frater Joseph de Caucy sancte domus Hospitalis Jerusalem humilis Achon thesaurarius salutem et prosperos ad vota successus De rumoribus Terre Sancte vestra dilectio non ignoret quod illustris rex Francie qui moram per annum apud Cesaream Palestine jam explevit eam faciendo murorum et fossatorum ambitu circumcingi quod opus in confectione presentium fere fuerat adimpletum nuntiis iterum tam ex parte Soldani Halapie quam eorum qui videntur in presenti habere dominium Babilonie [et] potestatem ad dominum regem predictum causa tractandi super treugarum federe ad invicem confirmando sepius destinatis tandem dictum Soldanum Halapie ad treugam aliquam dictus rex non admittens cum Babiloniis in hebdomada Paschali ultimo preterita usque ad quindecim annos firmavit treugas juramento prestito corporali hinc inde tali forma [] Fuit insuper ordinatum quod nisi Babilonii exercitum suum haberent apud Gazaram infra mensis Maii medium post presentium datam literarum ac rex infra idem tempus exercitum suum ad partes Joppenses de Cesarea conduxisset dicte treugre confederatio nulla foret Cum vero Soldanus Halapie dictorum Babiloniorum adversarius manifestus in confectione presentium in Damasco moraretur totam terram detinens occupatam ad quendam locum qui Casey nuncupatur inter Gazaram et Daronem contra dictos Babilonios duodecim milibus bellatorum aliis tribus milibus expectatis futuris ac venturis in proximo dictis duodecim milibus adjungendis licet dictorum Babiloniorum totum posse sex vel septem milibus armatorum quorum partem optinebant dimittere in partibus Babilonie pro defensione dicte terre contra Beddewinos et alios indigenas minime numerum excedebant nec dicti regis exercitus tante fortitudinis est qui posset ipsis Babiloniis si opus ingrueret ad oportunitatem subvenire cum nondum haberet inter religiosos et seculares computatis centum militibus quos rex sperabatur secum noviter adducere nisi tantum ducentos milites et quater centum Turcopulos equites bellatores unde nos et alii quam plures eramus in dubio quod dictis Babiloniis non pateret aditus veniendi et sic treuge dicte nullum robur habuerunt Insuper volumus vos non latere totam terram cismarinam a Christianis habitatam preter Armeniam gratia treugarum quas rex ejusdem terre iniit cum Soldano Yconii in tolerabili statu esse nunc in pejori conditione et statu esse quam unquam viderimus Nam terra Anthiochie quorundam perfidorum nomine Fercomannorum sevitia in ea diutius debacchante est penitus devastata unde ipsius civitatis Antiochie perditionis periculum in proximo formidatur suis eam habitatoribus deserentibus et fugientibus pre timore De qua scelerata gente decem milium multitudo ad quendam locum que Cesarea Magna dicitur jam progressa et ibi causa morandi fixis tentoriis suis terram nostram Crecti ac aliorum versus Tripolim percurrens multis casalibus combustis ac quatuor milibus grandium de nostris secum adductis et plurium hominum strage facta et multitudinem captivorum secum trahens ad dictum locum Magne Cesare est reversa moram ibi faciens donec totam terram destruxerint nisi Dominus propitietur Creditur etiam in auxilium Soldani Halapie contra nos profectura cujus exhortatione predicta omnia sunt patrata Datum secundo nonas Maii Hi rumores divulgabantur in Assumptione beate Marie