Charter Document - 06500095

Felices eventus qui nuper domino regi Francie successerunt de hostibus fidei Christiane dilectioni vestre declarare cupientes significamus quod post adquisitionem terre et civitas Damiate dominus rex per totam estatem in castris moram faciens Nili inundatione elapsa consilio prudentum experientiam regionis habentium vicesimo secundo mensis Novembris castra movit cum exercitu suo et stelio magno navium victualia sursum per flumen deferentium Versus Babiloniam procedens citra flumen quod versus Staneos labitur castra fixit profundum non valens fluminis pertransire ad obturandum alveum fluminis quod erat ex magno Nili fluvio derivatum et construendum pontes per quos posset habere aditus ad hostes efficaciter operari continuo faciens quia hostes Sarraceni in opposita parte fluminis collecti erectis fundibalis et machinis pluribus opus destruere et prohibere conabantur non modi temporis ibidem operam amisit et labores Mutato igitur consilio ac proposito dominus rex cum fratribus suis Atrabatensi Pictavensi et Andegavensi comitibus Hospitalariis Templariis et aliis pluribus baronibus militibus secum assumptis per locum sibi a quodam Sarraceno revelatum relicta nostris et Hospitali Theutonicorum duci Burgundie et comiti Britannie ac aliis custodia castrorum octavo die mensis Februarii media nocte aquam fluminis pertransivit Inde juxta deliberationem prehabitam ad castrum Babilonie plane procedens ipsa castra cum maxima strage perfidorum adhuc in lectis jacentium occupavit Porro dominus comes Atrabatensis cum Templariis baronibus et militibus pluribus inter quos erat Willemus Longa Spata quasi prepollens probitate et animositate licet dictus comes de convitiis et presumptione ab ipsis qui in bellicis negotiis sensus haberent exercitatos civiliter satis corriperetur et per festinum nuntium a rege destinatum instanter revocaretur tamen major sibi se versus casale quod Mansora dicitur currentes obviam habuerunt ibi omnem paganorum fortitudinem cum quibus valido conflictu armorum preliantes per totam diem laborarunt Tandem prevalente hostium fortitudine adeo oppressi et afflicti fuerunt graviter quod in illo bello comite elapso plures ex baronibus ac militibus et Templariis miserabiliter ceciderunt immo fere omnes Willelmus quoque Longa Spata qui in illo certamine nomen eterne benedictionis sibi adquisivit cum suis migravit ab hoc mundo premia martirii in celis adepturus Ipse etiam rex interim in castris optentis subsistens cum suis crudeles impetus et lesiones non modicas ipsa die [sustulit] quia elevatum est cor Soldani et sui alacres ex successibus suis et victoria audaciores effecti sunt Proxima autem sequenti die scilicet Veneris undecima mensis de sua leti sospitate sed de suorum casu tristes amiserant enim de suis prestantioribus multitudinem magnam convocato omni potentatu suo et exhortationibus mutuis iterum fortiores convenerunt et undique scilicet per terram et aquam insultus terribiles fecerunt in exercitum Christianum Et cum lanceis et gladiis ac telis variis accedentes undique a mane usque ad vesperam velut pluviam sagittas mittendo non cessaverunt persequi resistentes Christianos usque ad lice as cominus impetu ose nimis accedentes et ipsa regis castra impetentes Divino tamen juvante auxilio hostes damnificati de suis majoribus et melioribus gladio peremptis ultra quatuor milia amiserunt In die vero quando istos rumores audivimus gavisi sumus quam plurimum super victoria et regis successibus Verumtamen ex aliis casibus qui a latere evenerunt non potuimus non dolere Fames enim consequenter invaluit intolerabilis quia mare nondum aptum fuerat ad navigandum nec poterant cibaria deferri vel ad Damiatam per mare vel ad exercitum per Nilum qui ab hostibus diligenter sagittariis nocte dieque custodiebatur et viriliter defendebatur In montibus et convallibus latentes inimici omnes vias et semitas observabant qui idcirco nostris formidabiliores extiterant quia tela habebant venenata cum igne Greco Unde nostrates penuriam cibariorum non modicam in exercitu sustinebant contabuerunt igitur fame et defecerunt tam equi quam homines et qui prius fortes et audaces fuerant jam debiles effecti miserabiliter languerunt Tandem vero peccatis nostris exigentibus cithara spei nostre versa est in luctum gaudiumque quod dolore permixtum gerebamus in lamentabilem exitum est consummatum Conturbari merito tenentur viscera fidelium hoc audientium et oculi lacrimis inundare Dominus enim quasi hostis ipse Deus confregit et precipitavit coronam ecclesie universalis robur scilicet et prosperitatem Francie contrivitque fundamentum et gloriam legis Christiane et fidei O Deus Cujus investigabiles vie sunt et abissus multa judicia nonne venerunt fideles Tui ut hostes Tuos repellerent in natalem terram et propriam Tuam liberandam ab eisdem vestigia pedum Tuorum ibidem adoraturi Sed in hac re mortalibus manifeste ostendisti quam suspecta est hujus mundi letitia Sane in amaritudine et gemitu deplorare debet universitas Christiana horribilem casum qui die pestifera sexta scilicet mensis Aprilis contigit regi Francie et exercitui Christiano contra infideles militanti Nec est hoc visum vel auditum hactenus evenisse Veniens siquidem rex pro expugnatione per fidorum in villam que Mansora dicitur per tres circiter dictas a Damiata distantem fuit subito ibidem ab infinita infidelium multitudine undique quasi insula vasto mari circumdatus qui vias terre et aquarum ita artantur undique precluserunt ut victualium solatio jam nostri penitus caruerunt Cumque fere per quatuor menses angustiam maximam pabuli et duras invasiones ac crebras lesiones sepius sustinuissent miseros spiritus pro victualium inopia exhalarunt Nec poterant homines in seipsis deficientes jumentis debilitatis aliud remedium reperire nisi quod mortis aut martis se ancipitis discrimini committerent universi Die igitur statuta versus Damiatam per flumen retro cedentes imbelles et imbecilles ab hostibus qui custodes fluminis constituebantur tela et ignem Grecum jaculantibus confodiebantur comburebantur et a bellatoribus trucidabantur aut sub mergebantur Reliqui autem cum hostibus quamdiu poterant prelium conseruerunt Sed quid poterant pauci contra tantam hostium multitudinem jejuni et famelici contra alacres et refectos locorum ignari contra indigenas Steterunt tamen in agone certaminis cum inexplicabili sanguinis effusione donec prevalente multitudine impiorum fuerunt pro dolor miserabiliter superati Quod videntes quam plures de nostris pro necis horrore quam etiam perfecti sancti dicuntur formidasse sese hostibus porrectis per capulos ensibus reddiderunt se sperantes quandoque redimendos Verumtamen fore omnes usque ad animarum exhalationem dimicabant veram caritatem ad invicem conservantes in vita sua in morte pretiosa veri martires non sunt separati quia omnes simul cum rege religiosi ac seculares penam mortis vel carceris subierunt ita quod nec unus ex ipsis qui prelio interfuerunt evasit Et quis hec sine lacrimarum profluvio enarrare potest vel reminisci quando quidem tam nobiles tam elegantes tam spectabiles Franci trucidabantur conculcabantur vel ut latrunculi ab ignobilibus rapti trahebantur ad carceres et arbitrio inimicorum Dei tractabantur et frend[ent]ibus dentibus irridebantur Hinc dilacerabatur oloflamma subpeditabatur balcanum quod nunquam se meminit aliquis previdisse Illinc magnatum vexilla ab antiquis temporibus infidelibus semper formidabilia sanguine humano et equino imbuta sub pedibus hostium triumphantium in Christum blasphemantium et in nostros subsannantium vilissime pessundata contemnebantur O quanta premia expectare digni sunt qui pro Christo talia tolerarunt cum morte discrimina Sed hec secreto Dei judicio potius quam humano sunt commendanda Legatus vero cum patriarcha Jerusalem et quibusdam prelatis ac duce Burgundie egritudine laborante in recessu regis a castris per galeas ascendentes per flumen cum magno periculo et labore Damiatam pervenerunt Aliud vero stolium navium in quibus recepti fuerant pedites inermes debiles et infirmi exercitus in magna quantitate sicut prius igne Greco qui potius dici potest infernalis quam Grecus combustum est et submersum cum instaurationibus armis equis et divitiis Et sciatis quod illud dampnum nobis illatum fuit per navigium Egiptiorum Noveritisque quod in ultimo bello fratres nostri conventus omnes perempti sunt excepto vice magistro et fratre Johanne de Bonay Quatuor capti sunt et unus preter eos captus erat cum rege Et tantummodo tres fratres domus militie Templi prout apud Achon in confectione presentium nobis fuerat intimatum vix evaserunt horribiliter tamen sauciati Exploratores nostri nondum redierunt quos in Babiloniam miseramus Primo bello quo cecidit comes Atrabatensis Willelmus Longa Spata laudabiliter peremptus avolavit de cujus societate nullus evasit excepto domino Alexandro Giffard quinque vulneribus vulnerato qui tandem ut credimus in extremo bello cum rege aut captus est aut cum aliis interfectus Et post presentium confectionem [postquam] dominus rex esset captus una cum Soldano ad decem annos treugam fecit tali conditione quod ipse rex centum milia marcas argenti daret Soldano et captivi a tempore belli Gazaras hinc inde redderentur In qua treuga magister noster et captivi fratres nostri liberati sunt Damiata vero restitueretur cum tota munitione tam armorum quam victualium inventa in ea quando rex cepit Damiatam Christiani autem tenuerunt Jopen Azothum Cesaream Castrum Peregrinum Cayfas Caymotum Nazareth Saphotum Beelford Tyrum et Canan Turoriis quam Sarraceni occupaverunt quando rex fuit Damiate et Sydonem cum pertinentiis eorundem que in adventu regis Christiani antea tenebant Et si orandum est pro animabus occisorum pro Christo mementote animarum fratrum nostrorum qui occubuerunt scituri quod ad centum et quadraginta de electis fratribus peremptis Deo animas prout certe credendum est reddiderunt Antequam rex captus fuisset ipso adhuc ante Mansoram commorante et castra tenente Soldanus optulit ei adhuc treugas comitis Ricardi et Jerusalem Askalonem Tyberiadem firmatas que omnia consilio quorundam prelatorum maxime cujusdam fratris Predicatoris infeliciter sunt impedita Et licet antea dixerimus quod vice magister Hospitalis captus fuisset vivus audivimus postea quod occubuit cum drapario Hospitalis in conflictu ultimo He autem omnes lugubres adversitates omnibus temporibus deplorande dicuntur per superbiam domini Pape et odium inexorabile quod habet contra dominum Frethericum Christianis evenisse Immo etiam Sarraceni hoc idem affirmant Obtulerat enim ipse F[retherico] quicquid terre Christianorum quandoque extiterat sine prelio et sanguinis effusione insuper Constantinopolitanam sedaret rebellionem ita scilicet ut gratiam et pacem consequeretur Quo oblato infortunato omine adhuc Papa recalcitravit Verumtamen in dicti F[retherici] sinu reposita est spes nostra ut quandoque respiremus sed valeret quomodo libet Papalis iracundia temporari Hanc epistolam sed in aliquibus abbreviatam transmisimus fratribus in Francia commorantibus sed pleniorem vobis eam duximus transmittendam quia novi eventus qui emergunt stilum variant et materiam Et si quid novi contigerit vobis quam maturius poterimus intimabimus