Charter Document - 06500094
| Charter Number: | 06500094 |
|---|---|
| Cartulary Title: | Cartulary of St. Albans |
| Charter Language: | Latin |
| Charter Origin: | Religious |
| Charter Type(s): | Petition |
| Date: | 1250 |
| Date type: | Assigned |
| Resource Link(s): |
British Library - Cotton MS Nero D I (f98r) |
Charter:
Ad hoc quod dominus archiepiscopus monet dominum Londoniensem ut mandatum suum directum priori Sancte Trinitatis revocet petit dominus Londoniensis ut exhibeatur ei illud mandatum in quo si fuerit aliquid corrigendum vel revocandum paratus est illud facere quatenus fuerit de jure faciendum Petit dominus Londoniensis ut idem una cum ipso eligant quatuor viros probos fide dignos et jurisperitos et ipse una cum quinto communiter electo audiant rationes domini episcopi pro se et subditis sue ecclesie et rationes domini Cantuariensis circa factum visitationis et terminent negotium si fieri possit cum pace Et si non conveniant in unam sententiam consulant dominum Papam et expectetur ejus diffinitio Aliter Petit dominus episcopus quod dominus archiepiscopus de facto revocet quod de facto fecit circa sententias sua per legitimas appellationes preventas et medio tempore quiescat ab executione visitationis insolite et faciat convocationem de fratribus et coepiscopis et habito consilio eorum et deliberatione cum ipsis fiat provisio quid faciendum sit cum justitia pace et honestate ipsius archiepiscopi et subditorum Et ipse episcopus cum subditis suis formam providendam recipiet et observabit uniformiter cum fratribus coepiscopis suis et si fuerit dissensio inter episcopos promittit pro se quod majori et saniori parti adherebit Aliter Petit dominus Londoniensis quod facta revocatione sententiarum suarum sicut superius petitum est dominus archiepiscopus procedat ad visitationem reliquorum episcoporum provincie sicut fecit in visitatione persone et subdito[s] suos dimittat in pace donec dominus Papa consultus post audita et intellecta gravamina ecclesiarum ordinet expresse quid sit in talibus finaliter agendum Notandum quoque quod precise denegavit archiepiscopus tam episcopo quam canonicis copiam sui autentici
Source (click image below to view full size)
