Charter Document - 06500093

Romana [] Statuimus ut quilibet archiepiscopus suam volens visitare provinciam prius ecclesie sue capitulum ac civitatem ac dioecesim propriam plene visitare procuret Nec sit solum erga majorum sed etiam minorum ecclesiarum nec circa clericorum tantum sed etiam populorum visitationem intentus Et si commode vel absque difficultate accedere ad unam quamque non poterit de pluribus locis ad unam congregationem clericos et alios studeat evocare ne in illis visitatio postponatur Deinde liceat ei per totam provinciam vel ejus partem visitationis officium exercere civitates et dioeceses suffraganeos et eorum subditos cathedralium et aliarum ecclesiarum monasteria et ecclesias et alia religiosa et pia loca cleros et populos libere visitando ac procurationes a locis tantum recipere visitatis Ex quo tamen aliquam de ipsis dioecesibus visitare ceperit nunquam postea sive totam sive partem ejus visitaverit revertatur causa visitationis ad illam priusquam omnes relique ipsius provincie dioeceses in toto vel in parte quam scilicet secreto secure poterit et sue denuo fuerint ab eo visitate Quod si forte eadem dioecesis vel aliqua ibi ecclesia plus aliis indigeat visitari tunc aliarum visitatione intermissa redeat ad eandem si a loci dioecesano requisitus extiterit vel de omnium aut majoris partis episcoporum ejusdem provincie processerit consilio et assensu Ad quod idem se pronos exhibeant ne animarum profectus aliquatenus negligatur Si vero maliciose in his difficultatem quamlibet adhibuerint archiepiscopus super hoc licentiam postulet confidenter Postquam autem semel omnes provincie sue dioeceses visitaverit licitum sit ei postea prius tamen suffraganeorum suorum requisito consilio ipsius diffinitione super hoc habita coram eis que in scriptis redigi volumus ut possint esse aliis nota visitationem per eandem provinciam recitare juxta modum superius annotatum Et si non interveniat in hoc suffraganeorum ipsorum assensus illam semper providentiam adhibendo ut in posterioribus visitationibus illis illas ecclesias illosque cleros et populos prius visitet qui non fuerant ab eo in prioribus visitati nisi magis sit aliis visitationis officium oportunum Sane hujusmodi impensurus officium pro[po]sito verbo Dei querat de vita et conversatione ministrantium in ecclesiis et Divino cultui deputatis ac ceteris que ad officium ipsum spectant absque contradictione et exactione qualibet juramenti ad ipsorum emendationem per salubria monita nunc levia nunc aspera juxta datam a Deo sibi prudentiam diligenter intendens Quod si de aliquibus orta fuerit infamia contra eos ordinariis ipsarum ut super his solempniter inquirant denuntiet si viderit expedire Notoria vero crimina que examinatione non egeant cum super his merito notari possit ordinariorum negligentia eorundem libere corrigat penam de illis debitam infligendo Procurationes autem recipiat nullam autem pecuniam ipse vel aliquis de familia sua occasione alicujus officii vel consuetudinis seu quolibet alio modo earum nomine sed in victualibus tantum recipiat moderatas Caveant insuper ne ipse vel quisquam suorum munus quodcunque sic vel qualitercunque offeratur presumat recipere ut non que sua sunt videantur querere sed que Jesu Christi Quod si fuerit contra presumptum recipiens maledictionem inveniat a qua nunquam nisi duplum restituat liberetur Volumus enim in his fraudem quamlibet penitus evitari Hanc autem visitandi formam ab universis etiam episcopis aliisque prelatis ordinario jure suos subditos visitantibus plene observari precipimus salvis super hoc rationabilibus et approbatis religiosorum consuetudinibus et regularibus institutis