Charter Document - 06500088
| Charter Number: | 06500088 |
|---|---|
| Cartulary Title: | Matthei Parisiensis Chronica Major, Additamenta |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1249 |
| Date type: | Internal, Calendar, Papal |
| Resource Link(s): |
|
Charter:
Innocentius episcopus [] dilecto filio priori de Suavesheie salutem et Apostolicam benedictionem Sua nobis magister Stephanus rector ecclesie de Swaveshey crucesignatus petitione monstravit quod cum magister G rector ecclesie de Heis crucesignatus Roffensis dioecesis ipsum super quadam pecunie summa et rebus aliis coram priore Rofensi auctoritate Apostolica traxisset in causam idem Stephanus ex eo sentiens ab eodem priore se gravari quod ipsum ultra duas dictas extra suam dioecesim ad judicium evocabat cum idem ex literarum nostrarum beneficio non haberet ad sedem duxit Apostolicam appellandum cumque super appellatione sua nostras ad te literas impetrasset eodem G in modum acceptionis frustratorie prorumpente quod cum idem G crucesignatus existeret ad procedendum coram te in hujusmodi appellationis causa compelli de jure non poterat nec debebat teque hac occasione in eodem negotio procedere denegante officialis Cantuariensis ejusque college quibus idem prior postquam ab eo appellatum fuerat commiserat in hujusmodi negotio vices suas compellunt coram se predictum Stephanum super principali contra justitiam litigare propter quod ad nostram duxit providentiam recurrendum Quia nec prefatus G qui primo eundem Stephanum convenerat non poterat in appellationis causa crucis privilegium allegare discrescioni tue per Apostolica scripta mandamus quatinus si est ita hoc non obstante in causa ipsa procedas juxta directarum continentia ad te literarum Datum Lugduni nonas Julii pontificatus nostri anno septimo
Source (click image below to view full size)
