Charter Document - 06500074

Strenuis et prudentibus viris domino Bonefacio de Salis potestati militibus et populo Mediolanensi Philippus vicedominus potestas milites et populus Parmensis salutem cum gloria et honore Laudes retribuimus Deo Patri Filioque Suo Domino nostro Jesu Christo et Spiritui Sancto trino Deo et uni Majestati et Virgini gloriose que non propter nostrorum exigentiam meritorum se propter suam clementissimam pietatem civitatem nostram protegit et defendit regit visitat et gubernat sicut manifeste conspicimus in victoria triumphali quam die Martis duodecimo Februarii exeuntis contulit nobis Deus Sure Genetricis interventu Quamvis enim mille quingenti de nostris ivissent inter Colnirium et Bersillum et preterea due porte in integrum et ille seviens draco qui per tantum temporis obsederat terram nostram nos omnino crederet deglutire jam extra sua menia cunctis militum et peditum suorum agminibus ordinatis nos invocato Dei auxilio et Virginis gloriose cernentes quod potens est Deus deponere superbos et humiles exaltare protinus exivimus contra ipsos populus et milites universi nequaquam nostra vestigia retardantes quoad usque dimicantes junximus nos cum eis precedente vexillo cum forma Virginis preciose cujus legebamur semita et ducatu Et quamvis duriter a principio restitissent nos tamen invalescentes durius in eosdem confregimus contrivimus et prostravimus ipsos omnes Et descendens impius Frethericus per subterfugia tanquam latro dimisit suos et spolia sua prorsus Ex quibus tria milia cepimus et plures Cepimus quoque carro chium Cremonensium Cepimus etiam menia que fecerat et omnia castra sua cepimus et habemus omnia sua que habebat Interfecimus quoque Thadeum judicem suum cubicularios et camerarios omnes nostros etiam bannezatos de suis militibus et populo interfecimus ultra mille quingentos preter subversos equorum pedibus et ruina quos pro multitudine describere non potuimus Alios autem de suis fugavimus usque quaque Tandem in civitatem regressi cum Dei laudibus et honore nostre disposuimus negotia civitatis confidentes in Illo qui est vera salus omnium atque virtus quod contritis brachiis impiorum amodo nos et nostri pace perpetua potiemur Et hec vobis ad gaudium intimamus magnificentiam vestram deposcentes quatinus omnes universaliter in nostrum auxilium et succursum mora sublata qualibet cum carro chio vestro accedatis Quam cum Deus aperuerit nobis viam procedere volumus per ipsam festinanter ut recuperemus continuo Burgum Sancti Dominici et Bersillum et alias terras nostras capientesque navigium Cremonensium et inimicos nostros et vestros deleamus eos de libro viventium Tollite moras omnes viri prudentissimi ut constantes quia post Deum et beatam Virginem triumphi nostri vos auctores et participes reputamus Et sciatis quod combusta terra dicti et maledicti F[retherici] habemus omnes quos de nostris et Placentinis in vinculis detinuerat Valete nuntiate hec amicis nostris et vestris ut pateant omnibus Christi amicis Valete