Charter Document - 06500073

Sanctissimo [] Transmissus ad venerabiles in Christo patres Cantuarie [et] Eboraci archiepiscopos ac eorum suffraganeos vir religiosus et discretus frater Johannes minister ordinis fratrum Minorum Provincie vestre nuntius sanctitatis quasdam nobis de credentia literas habitas detulit Apostolicas eadem auctoritate ore tenus injungendo ut tam pro nobis quam pro nobis subditis viris ecclesiasticis literas obligatoriis super summa certa pecunie pro subsidio sedis Apostolice singuli faceremus Nos autem super hoc tractatu habito diligenti pariter attendentes quod talia contigerit aggredi ipsis subditis inconsultis tumultum maximum faceret nos reputantes forsitan proditores eorundem et sic ad rebellionem potius provocarentur et scandalum quam ad promotionem memorati negotii ut processum ipsius annuere absque consilio et voluntate potuimus eorundem Verumtamen affectantes vobis reverenter ac vestris mandatis sicut decet et possumus et sicut decet Apostolicis obedire pacique et tranquillitati cleri et regni prospicere in hoc commune consilium habita deliberatione resedit ut videlicet ad prefatum subsidium exemptis et tribus clericus exceptis undecim milium marcarum quantitas tam dictis archiepiscopis quam eorum suffraganeis et subditis universaliter tribuatur Ad quod quidem dictos subditos pro nostris viribus inducemus quos si forte quod absit ad hoc inducere non possimus singuli nostrum suam dabunt pecunie quantitatem prout varie se extend[it] possibilitas facultatum Sane cum exceptione exemptorum et trium clericorum in tanti subsidii quantitate clerus noster non modicum gravabitur timemus quod siquis in posterum a subsidio supranominato excipiatur clerus memoratus ad consentiendum minime perducatur Vale