Charter Document - 06500070
| Charter Number: | 06500070 |
|---|---|
| Cartulary Title: | Cartulary of St. Albans |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1247 |
| Date type: | Internal, Calendar, Papal |
| Resource Link(s): |
British Library - Cotton MS Nero D I (f103r) |
Charter:
Innocentius [] archiepiscopis episcopis [] salutem et Apostolicam benedictionem Ad aures nostras frequenti conquestione pervenit quod executores provisionum nostrarum in Anglia deputati quandoque nimis excedunt earum ipsis expressas per nostras litera quantitates propter quod scandalum generatur Nos igitur cupientes tranquillitatem et pacem regionis illius nobis et ecclesie Romane devote affectu paterno diligentie confovere ac scandalis obviare auctoritate presentium duximus districtius inhibendum ne quis cui provisiones hujusmodi jam commisimus in partibus Anglicanis aut in posterum committemus provisionum summam sibi prefixam ultra quinque marcas sterlingorum excedere in executione presumat decernentes irritum et inane si contrarium duxerint presumendum Quocirca fraternitati vestre per Apostolica scripta mandamus quatinus tenorem presentium per civitates et dioeceses vestras faciatis quamtotius publicari Datum Lugduni quarto idus Junii pontificatus nostri anno quarto
Source (click image below to view full size)
