Charter Document - 06500063
| Charter Number: | 06500063 |
|---|---|
| Cartulary Title: | Matthei Parisiensis Chronica Major, Additamenta |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1246 |
| Date type: | Internal, Calendar, Papal |
| Resource Link(s): |
|
Charter:
Per literas nostras vobis dedisse dicimur in mandatis ut pecuniam de redemptione votorum regni Anglie assignare dilecto filio nobili viro comiti Cornubie curaretis verum cum sicut accepimus super hujus executione mandati in prejudicium ejusdem comitis sic a vobis minus attente processum nos digne volentes ut eidem pro devotionis sue meritis provisionis Apostolice gratia fructuosa reddatur universitatem vestram sicut iterum sic attentius exhortamur per Apostolica vobis scripta mandantes precipiendo quatinus infra tres menses post susceptionem presentium sublato cujusque difficultatis obstaculo in hujus executione negotii secundum formam vobis traditam procedatis Alioquin dilectis filiis ministro provinciali ordinis Sancte Trinitatis et captivorum in regno Anglie decano Wellensi et archidiacono Bercsire Saresberiensis dioecesis damus nostris literis in mandatis ut ex tunc juxta ipsam formam in eodem negotio procedere non postponatur Datum Lugduni tertio idus Martii pontificatus nostri anno tertio
Source (click image below to view full size)
