Charter Document - 06500059

Inquiratur que asserta et quanta et que per prestere et quante facte sunt a tempore post primam coronationem domini regis H[enrici] tertii in dominicis boscis regis et in alienis boscis et landis et omnibus aliis locis infra metas foreste existentibus et quantum contineant per numerum acrarum et qui et fecerunt et qui ea modo teneant et quantum singula valuerunt a tempore quo facta fuerunt secundum communem estimationem per annum Item inquirendum est etiam quantum vestura singulorum boscorum et refletorum predicto modo asserta torum valuit antequam asserta illa facta fuerunt tam de dominicis domini regis quam de aliis et qui valorem illorum receperint et quantum valeat inbladatio singulorum asserta torum que nunc inveniuntur inbladata Item inquiratur etiam qui forestarii de feodo vel alii ad officium illud deputati mercedem ceperint ab his qui hujusmodi asserta vel per presturas fecerint vel alio modo ad hoc assensum prebuerint ut fieri permitterentur Item inquiratur etiam in singulis ballivis qui sint forestarii de feodo et quod vel quale warantum habeant de ballivis suis tenendis et qui eorum reddant domino regi firmam annuam et quantum et qui non et que pertineant ad firmam suam faciendam Et si aliquid attraxerint eis quod ad firmam suam non pertineat ad firmam illam faciendam vel alio modo ad dampnum domini regis et foreste Et qui forestarii de feodo habeant terras vel tenementum de domino rege pro ballivis suis custodiendis et quantum terre vel tenementa illa valeant et qui ea modo tenent Item inquiratur etiam qui de novo fecerint infra metas foreste vel extra ad nocumentum foreste parcum vel boscum suum claudere vel warennam vel aliquem boscum affore straverint sine waranto domini regis et si aliquis de foresta domini regis aliquod deafforestaverit vel subtraxerit domino regi per quod minoratur ad dampnum ipsius et per quem et a quo tempore hoc factum fuerit Inquiratur etiam si infra predictum tempus aliqua ecclesia villa vel domus vel clausum aliquod infra metas foreste aliquo tempore construatur per quem et a quo tempore et quot animalia exeunt de singulis domibus illis quo nimis pastura foreste oneratur et qui forestarii aliquo favore gratia vel lucro ad hoc consenserint Inquiratur etiam quid et quantum singuli forestarii de feudo vel alii in singulis ballivis dederint vel vendiderint vel extrahi permiserint vel ad opus suum proprium ceperint de boscis ballive sue sine speciali mandato domini regis vel capitalis justitiarii foreste et quale warantum capitalis justitiarius foreste pro tempore suo inde habuerit de domino rege et nomina justitiariorum Inquiratur etiam qui fecerint vel facere consueverint vastum vel destructionem de viridi vel de venatione et quid et quantum et qui forestarii ad hoc consenserint gratia vel lucro Et qui canes vel leporariis arcus et sagittas vel aliquod aliud ingenium infra forestam habuerint ad dampnum ferarum domini regis Inquiratur etiam qui forestarii de feodo vel alii venditionem vel vastum fecerint vel facere permiserint de boscis in balliva sua sive de boscis domini regis sive alienis et quam venditionem et quod vastum Et si aliquis eorum habeat custumarios reddentes illi redditus annuos ut possint extrahere boscam de foresta domini regis ad dampnum ipsius et que dampna dominus rex inde habuit Inquiratur etiam si qui forestarii de feodo finem capiant de forestariis non de feodo ut ponantur in ballivis foreste et postquam finem alium receperint ipsus forestarios amovent et alios ibi ponunt per novum finem ad magnum detrimentum foreste et gravamen patrie Inquiratur etiam de omnibus illis qui suspecti habiti sunt vel soliti ad intrandum boscos parcos vel forestas causa bersandi vel alia dampna faciendi vel ad destruenda vivaria quominus pax regni observetur et qui eorum sunt receptatores vel consentientes malefactis eorum Inquiratur etiam qui forestarii ceperint finem vel mercedem aliquam pro cheminagio aliam quam ad ballivam suam pertinet vel capere consueverint tempore regis Johannis vel aliquam aliam consuetudinem vel ex torsionem per forestam levaverint quam levata fuerit tempore regis J[ohannis] ad nocumentum domini regis vel patrie Inquiratur etiam si alique per presture facte fuerint infra metas foreste in mariscis moris montanis vel brueris et si aliqua antiqua tristra domini regis villa vel domo levatis vel clauso impediatur per que deductus domini regis impediatur Inquiratur etiam de carbone maris invento infra forestam et qui mercedem ceperint pro fossatis faciendis de carbone illo et pro cheminagio Inquiratur etiam de marleris mineriis turbariis fabricis et carbonariis factis et levatis infra predictum tempus ad nocumentum foreste sine waranto domini regis et qui commodum inde receperint et quantum valent per annum secundum communem estimationem Iterum diligenter inquiratur per quas metas et bundas singuli forestarii de feodo teneant et tenere debeant ballivas suas et si aliqui eorum vel quicunque alii de bosco vel terra domini regis aliquid sibi adtraxerint vel appropiaverint ad nocumentum domini regis aliter quam facere deberent et que dominica dominus rex habeat in ista balliva in boscis vel terris et quibus metis et bundis circumcludantur Inquiratur etiam qui forestarii ceperint finem pro diversis animalibus agitandis in pastura ferarum domini regis in dominicis boscis suis ad nocumentum foreste et ferarum domini regis et etiam ad nocumentum illorum qui boscos habuerint Inquiratur etiam qui forestarii oneraverant ballivam suam indebite hospitando et nimis frequenter vel equos suos in domibus alienis hospitando vel alias indebitas exactiones faciendo infra ballivam suam vel extra occasione ballive sue Inquiratur etiam qui receperint profectum de tabbaciis que acciderint in dominico bosco domini regis [a tempore predicto et quid et quantum per communem estimationem et qui forestarii vel alii] [] ut pasturam illam vel fenum vendant ad nocumentum ferarum domini regis et patrie et quem profectum et quantum de hujusmodi receperint secundum communem estimationem Inquiratur etiam qui forestarii de feodo vel non de feodo ceperint cooperationes ceppagia et eschetas quercuum sive aliarum arborum quas dominus rex dederit vel vendiderit vel ad opus suum proprium ceperit in forestis suis et si inde habuerint warantum quod et cujusmodi warantum et quantum valuerint cooperationes ceppagia et eschete et quid et quantum valuit quod unusquisque ceperit pro parte sua Item inquirendum est si qui forestarii de feodo vel alii pla citaverint aliquod placitum de viridi vel de venatione quod ad dominum regem vel ad capitalem justitiarium suum spectat terminandum et qui eorum de hujusmodi placito finem vel amerciamenta ceperint et quid et quantum et cujusmodi placitum fuerit quod secundum dictum modum terminaverunt et penes quem hujusmodi amerciamenta remanserint et qui viridarii ad hoc consenserint et qui justitiarii finem ceperint de forestariis ut ponerentur in ballivis suis forestarii ut permitterent ipsos esse in balliva foreste sub ipsis ad dampnum domini regis et patrie et quantum valeat hujusmodi finis quem dicto modo ceperint Inquiratur etiam de equis equitis et aliis averiis agistatis infra forestam domini regis per que pastura foreste nimis oneratur ad detrimentum ferarum domini regis et patrie Inquiratur etiam qui justitiarii vel forestarii de feodo vel alii permiserint vel concesserint alicui per finem factum cum eis sive ad opus domini regis sive ad opus eorum ad faciendum essarta vel per presturas vastum de viridi vel de venatione infra metas foreste sive in dominico domini regis sive extra et qui finem illum habuerint sive dominus rex sive alius Item inquiratur si aliquis forestarius capitalis de feodo attraxerit sibi terras maritagia vel gardas sine assensu regio que pertineant ad ipsum occasione foreste si inde aliquem feofaverint sine assensu domini regis Item inquiratur si aliquis capitalis forestarius de feodo feofaverit aliquem alium de balliva sua vel de aliqua parte ballive sue sine voluntate domini regis Item inquiratur de ex tractoribus vel venditoribus busce meremii et carbonis de foresta ad destructionem foreste tam de dominicis domini regis quam aliis existentibus in foresta Et qui dictam buscam meremium et carbones soliti sunt ducere ad portus et ad quem portum sive ad quos portus vel alibi ad quascunque villas et quorum naves sint custumarie ad dictam buscam meremium et carbonem modo predicto cariandam