Charter Document - 06500058

Anno quo dominus rex H[enricus] iii profectus est super regem Scotie hostiliter pro juribus regni Anglie contuendis multosque de longinquis partibus ad ipsam expeditionem convocarat comes Flandrie Thomas regine avunculus cum magna militia advenit mandato domini regis in auxilium ejus fideliter obtemperando Non quare domnus rex ejus suffragiis indigeret sed ut sic fedus affinitatis et amicitie et homagii sui quo domino regi tenebatur astrictus recognitio lucidius manifestaretur Contigit igitur ut comes memoratus in Anglia gravissima febre correptus periculose nimis infirmaretur adeo ut plus de morte sua timebatur quam de vita hoc physicis arbitrantibus in ipso speraretur Doluit igitur super hoc dominus rex vehementer et regina neptis comitis vehementius formidantes ne qui ad consolationem regni gratus advenerat in desolationem totius generis sui affinium et amicorum miserabiliter in regno moreretur Erat namque armis strenuus corpore elegantissimus et quod nullus ambigit genere preclarus Una igitur dierum dominus rex ut eundem comitem consolaretur visitando accessit ad lectum decubantis Et ut testabantur domini regis mediei peritissimi sed et ipse sentiebat jam incepit ipsum accessus anhele febris acriter invadere horripilationes et alices premittendo Quod cum comes presensisset dixit regi [] Hec igitur cum comes secundum regis persuasionem se facturum indubitanter promi[si]sset ab omni febre febrisque molestiis mox et non successive ut naturalis usus expostulat liberatus et perfecte curatus pristinam in eadem hora suscepit sospitatem Deo et Sancto Edwardo dominoque regi junctis manibus et flexis genibus grates alacriter persolvendo Si que promisit comes persolverit Deus scit nescio Hoc tamen fecit dominus rex secreto scribere ne memoria tanti beneficii quod per Sanctum E[dwardum] Deus comiti largiri dignatus est per incuriam et hominum in gratitudinem oblivioni perpetue traderetur