Charter Document - 06500056
| Charter Number: | 06500056 |
|---|---|
| Cartulary Title: | Matthei Parisiensis Chronica Major, Additamenta |
| Charter Language: | Latin |
| Charter Origin: | Religious |
| Charter Type(s): | Record |
| Date: | 1244 |
| Date type: | Assigned |
| Resource Link(s): |
|
Charter:
De adquisitis ante memoratis provisum est a dicto Priore de Binham et conventu suo de consensu domini Johannis ii abbatis de Sancto Albano ut ad inveniendum vinum in minutione monachorum de Binham percipiat cellarariis qui pro tempore fuerit quinque marcas ad Pascha de ecclesia de Parva Riburge Et ad aucmentum mandati pauperum die Cene percipiat elemosinarius qui pro tempore fuerit dimidiam marcam de molendino ad ventum de Velles ad Natale Et ad inveniendum duo coopertoria et tres stragulas in conventu percipiat camerarius qui pro tempore fuerit unam marcam de molendino ad ventum de Egelfeld ad Natale et ad eundem terminum dimidiam marcam de molendino de Welles Item quod duo coopertoria sint pretii unius marce et tres stragule pretii dimidie marce Preterea cum conventus de Binham non haberet gruellum de consuetudine constituit ut de ecclesia de Riburge quam adquisivit gruellum haberent cotidie Similiter de caseo inviolabiliter et indeficienter fieri constituit
Source (click image below to view full size)
