Charter Document - 06500053

Contra dominum Thomam de Blundvilla episcopum Norwicensem pro libertate ecclesie tuenda et subjectione vitanda pro quo placito in propria persona [adiit] curiam Romanam papa tunc Rome commorante Quando concomitabatur prior de Wimundham Th[omas] ubi multam exposuit pecuniam simul et labores sustinuit et illatas ab episcopo memorato cum injuriis vexationes Contra Walterum de Greincurt pro ductu aque inter Berneie et Crokstune pro quo placito fecit eundem W[alterum] incarcerari et excommunicari Et sic demum dedit eidem Priori pro pace consequenda x marcas Contra rectorem ecclesie de Welles quem magister R de Bilneie sustinuit pro minutis decimis Pro quibus per pacem inter eos factam x solidos annui redditus sacrista de Binham percipit annuatim Contra rectorem ecclesie de Bakentune pro pensione retenta in qua missus fuit in corporalem possessionem pro dampnis et expensis suis et sic demum per sententiam diffinitivam lis conquievit videlicet quod rector qui pro tempore fuerit solvet Priori de Binham quinque marcas ad duos terminos scilicet ad sinodum Pasche duas marcas et dimidiam ad sinodum Sancti Michaelis duas marcas et dimidiam et si in solutione alicujus termini cessaverit Prior per sententiam predictam in corporalem possessionem ecclesie predicte inducetur Contra rectorem ecclesie de Patesle pro minutis decimis qui pro pace habenda pensionem suam de duobus solidis au[c]mentavit Contra magistrum Willelmum de Matelas et Paulum presbiterum pro minutia decimis ecclesie de Bermere qui pensionem solitam de quatuor solidis au[c]mentatbant Contra rectorem ecclesie de Snarinnge pro minutis decimis qui pensionem suam per pacem factam de una marca au[c]mentavit Contra episcopum Elyensem pro ecclesia de Westleia in proprios usus optinenda in quo placito advocationem retinuit et per pacem factam in eadem villa de terra ecclesie xxxvi acras terre cum pastura centum ovum uno mesuagio et gardino optinuit Contra rectorem ecclesie de Gunethorp pro minutia decimis sed idem rector pendente lite mortuus fuit et excommunicatus Contra priorem de Walsingeham pro advocatione ecclesie Sancti Petri de Magna Walsingeham Sed cum sedes episcopatus tunc vacaret et Jacobus Romnus custodiam archidiaconatus Norwicensis haberet per fraudem et collusionem dicti Jacobi quidam nepos ipsius antequam rector sepulture traderetur in dictam ecclesiam fuit instituus Contra Leciam de Egesfeud et Rogerum de Thurkillebi pro warenna in quo placito non solum in Egesfeud sed etiam super omnes terras quas ad baroniam de Waloinnes pertinent liberam warennam optinuit Contra Sibiliam de Calna pro manerio de Thursford In quo placito totum retinuit scilicet unam carucatam terre cum pertinentiis videlicet bosco falda et omnibus rebus aliis ad dictum manerium pertinentibus Sed inde solvit Waltero de Horkele annuatim x libras Contra Johannem Avenel et Johannem de Sancto Planci de falda arsa In quo placito apud Kateshil dicti Johannes et Johannes per dominum Martinum de Pateshulle tunc justitiarium fuerunt morti adjudicati Sed prece amicorum quia fuit homo religionis dictum remisit placitum tamen de transgressione facta emendam sufficientem recepit Contra Hugonem de Arderne pro minutis decimis de Ingoldestorp In quo placito pro dampnis suis et expensis missus fuit in corporalem possessionem omnium decimarum de Ingoldestorp et fecit eas carcari apud Bersingham Tamen demum lis ita conquievit quod Prior solvit eidem dimidiam marcam annuatim de camera sua Et Prior percipit omnes decimas quas percipere solebat quiete et in pace