Charter Document - 06500049
| Charter Number: | 06500049 |
|---|---|
| Cartulary Title: | Matthei Parisiensis Chronica Major, Additamenta |
| Charter Language: | Latin |
| Charter Origin: | Religious |
| Charter Type(s): | Exhortation |
| Date: | 1242 |
| Date type: | Internal, A.D., Calendar |
| Resource Link(s): |
|
Charter:
Carissimis Christi fidelibus universis ad quos presens scriptum pervenerit frater Jordanus ordinis fratrum Minorum vicarius provincie Polemie Pringensis conventus cum ceteris fratribus salutem Quoniam agentibus peccatis hominum adauctis in mundo incrementis miserabilibus diu prescita et predicta tandem venit velut inopinata super nos repentina tribulatio propulsis fratribus Predicatoribus et nostris ceterisque fidelibus a gente Tartariorum a Tartaro oriunda ex his videbitis que juxta feritatem jam olim de se scripture prelibatam testimonio [fecerunt] deletis namque multis nationibus incognitis exterminata quoque Russia nobis cognita que septem duces habuisse dicitur ecce pro dolor terminos ecclesie invaserunt atque aquas fortissimas et nemora densissima velocissime pertranseuntes modo incredibili ex parte magna prepotens regnum Ungarie occupaverunt de quo omnimodam certitudinem propter distantiam reddere non possumus tamen de his que in nostra provincia acta sunt certius describimus quia jam pene tota Polonia ab eisdem nationibus barbaris crudeliter [est] deleta qui nulli hominum etati conditioni vel sexui deferentes sed cunctos in ore gladii consumentes et loca Deo sacrata prophetantes jam sunt in foribus Alemannie et Boemie similia nobis et ceteris Christianis nisi Deus restiterit peracturi presertim cum Christianitas in se intestinis bellis pregravata et scismatibus necessitati communi et paci reipublice minime intendere videatur ut oporteret solliciti tantis periculis orationum vestrarum suffragia tantum postulamus et ad hec cunctos fideles monitis salutaribus exhortamur Noveritis etiam quod jam quinque conventus Predicatorum et dure custodire de fratribus nostris sunt penitus destructe habentes plus spatii terre in Aquilone quam Tuscia et Lumbardia inimici debaccantur tribus custodibus superstitibus una tamen custodia immo fere duabus evasis De tertia vero que Boemia dicitur egressus est rex in occursum cum innumera multitudine exercitus sed in Deo victoria est Datum Pyngensi anno Domini MCCXLII quarto idus Aprilis
Source (click image below to view full size)
