Charter Document - 06500047

Illustri viro glorioso et excelso mirifice bonitatis predito ac sospitatis providentia redimito J Dei gratia duci Barbanie et Bononie N Dei gratia Langravius Turriginis et Saxonie comes Paletinus salutem et Christiane professionis pericula devitare Audite insule et cuncti populi Christiane religionis crucem Dominicam profitentes in cinere et cilicio jejunio et fletu et planctu ululate lacrimas in maxima quantitate effundite quoniam venit et [] noviter venit dies Domini magna et amara valde cum crucis Christi persecutio ab Aquilone et mari venerit inaudita cum mentis perturbatione et cordis afflictione vultu lacrimabili et precordiorum suspiriis per intervalla respirando Prout possumus vobis significamus quod gentes infinite aliis hominibus odibiles effrenata malitia terram in fremitu conculcantes ab Oriente usque ad limites nostri dominii totam terram penitus destruxerunt civitates castra immo et municipia destruendo non solum Christianos immo Paganos Judeos nemini parcentes omnibus indifferenter sine misericordia mortem inferentes preterquam parvulis tantum quibus rex eorum Zingiton vocatus signa in frontibus imponit non solum homines comedendo sed etiam devorando Comedunt enim ranas [et] serpentes et ut breviter dicatur nullum cibum discernunt et sicut a facie leonis cuncta animalia fugiunt sic a facie illius gentis cuncti populi Christiani terga in fugam vertunt Comani enim viri bellicosi non potuerunt in terra sua contra eos bellum sustinere sed fugerunt usque ad Christianos viginti milia Comanorum et inierunt fedus cum Christianis et parati sunt pugnare contra omnem gentem preterquam predictam Quid mirum sunt enim corpore terribiles vultu furiosi oculis iracundi manibus rapaces dentibus sanguinolenti et eorum fauces ad carnem hominum comedendam et humanum sanguinem absorbendum omni tempore sunt parate et tanta est multitudo eorum quod exercitus eorum durat per viginti dictas in longitudine et quindecim in latitudine Et ut multa paucis perstringamus cum dicti homines Tartari vocati totam Russyam et Poloniam usque ad confinia regni Boemie et partem mediam regni Ungarie penitus destruxerunt et quasi subito civitates intraverunt et principes in medio civitatis suspenderunt unde credimus ipsos esse gladium furoris Domini propter peccata populi Christiani teste beato Methodio qui istos Tartaros vocat Ysmaelitas et onagros silvestres asinos [] Nos vero de superni Judicis bonitate et misericordia confisi humiliter sanctos viros Predicatores et Minores [precamur] ut toti populo Christiano ducatui subdito crucem orationes afflictiones et jejunia predicent Proponimus enim mente in celestibus habitare arma et scutum apprehendere Malumus enim mori in bello quam videre mala gentis nostre et sanctorum Et si clipeus noster qui prima jacula sentiet conteratur nostro pariete succenso et terra devastata vicini parietes et vicine provincie formidabunt Vale Audivi a fratre Roberto de Theles quod sine dubio ipsi Tartari destruxerunt septem conventus fratrum suorum