Charter Document - 06500045

Cum dies datus esset Huberto de Burgo comiti Kantie in octabis Sancti Johannis Baptiste anno regni xxiii ad respondendum domino regi quales emendas ei faceret eo quod non deliberavit ei maritagium Ricardi de Clare ad diem ab eodem domino rege sibi datum secundum conventionem inter eos factam vel secundum considerationem parium suorum et dominus rex peteret ab eo quod ei emendas faceret et non fecit proposite fuerunt ei ex parte domini regis transgressiones subscripte simul cum predictis ut ad eas responderet Ad quod respondit idem comes quod ad hec nullum diem habuit sed et dixit quod ad diem certum et rationabilem satisfaceret domino regi vel inde staret ad considerationem parium suorum et petiit quod dominus rex in scriptis ei ostenderet super quibus articulis tenetur respondere Ad hoc respondit comes quod ad singulos dies ei a domino rege datos idem comes venit nec in aliquo quesivit dilationem sed semper recepit diem ad voluntatem domini regis Unde videtur ei quod omnes dies ei dati postquam fuit apud Kenintone pro uno die sibi debent al locari Et semper paratus est stare ad considerationem parium suorum quod nunquam de maritagio se intromisit nec aliquis pro eo postquam juravit apud Gloverniam quod nunquam de maritagio se intromitteret nec aliquid scivit nec adhuc scit de maritagio nisi per simplex dictum comitise uxoris sue dicentis quod maritagium illud contractum fuit apud Sanctum Eadmundum dum comes fuit apud Mertone Et si hoc non sufficit dicet aliud et super hoc paratus est facere quod pares sui considerabunt Quorum quidem primus articulus hic est quod dominus rex exigit ab eo omnes exitus regni sui de xiv annis continuo sequentibus post mortem J[ohannis] regis patris sui et unde suscepit custodiam et curam sine traditione patris sui domini J[ohannis] regis et sine assensu domini Gwalle tunc legati qui de communi consensu et provisione totius regni post mortem Marescalli fuit primus consiliarius et principalis totius regni Anglie Ad hoc respondit quod certe persone deputate sunt ad respondendum de exitibus regni scilicet thesaurarius et camerarii unde post mortem Eustacii de Faucumberge Londoniensis episcopi et thesaurarii fuit quesitum quod de compoto suo responderet et fuit responsum Postea a Carlionensi episcopo fuit quesitus compotus totius exitus regni tanquam a capitali receptore et sedit ad compotum A Petro de Rivallis fuit postmodum quesitus compotus nunquam autem a justitiario debet compotus requiri eo quod non est receptor exitum regni Unde videtur quod ille qui nihil recipit in aliquo non tenetur respondere Et dicit quod dominus J[ohannes] rex tradidit ei justitiariam apud Runingemede coram domino S[tephano] Cantuarie archiepiscopo comite Waranne comite de Ferariis et aliis magnatibus et ipse toto tempore J[ohannis] regis stetit justitiarius Accidit autem quod castrum Dovorie in adventu domini Lodovici quasi pro derelicto habebatur in quod castrum intravit quando pauci inventi fuerunt qui in eodem intrare voluerunt nisi corpus ejus intrasset et toto tempore guerre a castro non potuit recedere nec officium justitiarii exercere Defuncto vero domino J[ohanne] rege tempore guerre de consilio Gwalle tunc legati et magnatum tunc existentium cum domino rege factus fuit Marescallus gubernator regis et regni Pace vero reformata remansit idem Marescallus gubernator regis et regni et idem Hubertus justitiarius nullo contradicente post mortem vero Marescalli de consilio domini Gwalle tunc legati S[tephani] Cantuarie archiepiscopi episcoporum et magnatum terre remansit justitiarius Hinc contradictione aliqua et semper scripsit ei dominus Papa tanquam justitiario et ita tenebatur ab ecclesia et a regno semper justitiarius factus a domino J[ohanne] rege Et ita bene patet quod non recepit justitiariam sine traditione domini J[ohannis] regis vel assensu domini Gwalle Et si hoc non sufficit dicet aliud et super hoc paratus est facere quod pares sui considerabunt et etiam si respondere deberet habet cartam domini regis que ipsum ab hujusmodi absolvit quam profert que confecta est anno regni regis Henrici xv Item exigit ab eo quod ei respondeat de collectione totius quinte decime que per commune consilium totius regni custodiri et haberi debuit in deposito et ita in deposito quod nihil inde caperetur usque ad etatem domini regis nisi per visum sex episcoporum et sex comitum ad hoc specialiter attornatorum et hoc non nisi ad defensionem regni et unde summa fuit circiter quater viginti et novem milia marcarum argenti Ad hoc respondit quod domini Sarisberiensis et Bathoniensis episcopi illam pecuniam receperunt per commune consilium regni et inde reddiderunt compotum suum et inde quieti sunt per literas domini regis unde non videtur quod inde debeat respondere cum alii quieti sint inde sicut patet per rotulos de scaccario et per literas domini regis patentes que sunt in thesauro et de [hoc] sicut nihil inde recepit non tenetur respondere Et si hoc non sufficit dicit aliud et super hoc paratus est [] Habet etiam cartam regis que ipsum [] Item quod respondeat de terra Pictavie de qua J[ohannes] rex obiit seisitus et unde dominus rex qui nunc est fuit in seisina quando idem comes suscepit custodiam regni scilicet de Rupella Nyorth et de Sancto Johanne et qui quando ad rescissionem terrarum illarum mittere debuerat thesaurum et denarios misit barillos lapidibus et sabulone impletos Et ita quod quando barones et magnates domini regis et burgenses viderunt deflatum illam diverterunt se ab homagio et servitio domini regis et convertebantur ad inimicos domini regis propter quod dominus rex amisit Pictaviam Ad hoc respondit quod nunquam misit tales barillos de quibus dicitur et hoc precise defendit per quodcunque pares sui considerabunt sed de consilio magnatum Anglie ad defensionem Rupelle missi fuerunt centum milites et amplius et quam plures servientes qui fuerunt cum domino rege ibidem quousque burgenses et homines illius terre diverterunt se ab homagio domini regis unde per ejus negligentiam non amittitur Rupella nec per negligentiam militum ibi existentium quia illis invitis burgenses terram reddiderunt regi Francorum Et hoc bene patet quod cum milites domini regis essent in villa burgenses amoverunt eos a consilio illorum et sine militibus pacem fecerunt ita quod milites salvo corpore suo et hernesio possent recedere per excessus etiam Falconis amittebatur Rupella qui Falco et sui domino regi eo tempore quo Rupella fuit obsessa insurrexerunt Qui etiam Falco per Willelmum fratrem suum fecit capi Henricum de Braybroc justitiarium domini regis itinerantem propter quem captum et alias injurias dicti Falconis oportuit regem et magnates terre obsidere castrum de Bedefordia per consilium archiepiscoporum episcoporum et magnatum terre Qui etiam episcopi ibidem excommunicaverunt Falconem unde patet manifeste delictum Falconis alioquin non excommunicassent eum Et si Falco impune evasisset et castrum non esset captum turbatum esset regnum plus quam fuit Et si hoc non sufficit [] Et super hoc paratus est [] Item de hoc respondeat quod dum dominus rex fuit infra etatem et subvenire debuit terre Pictavie et exercitus suus proficisci deberet in Pictaviam fecit ipse comes obsidere castrum Bedefordie ubi dominus rex et magnates sui Anglie antequam illud captum esset maximam impenderunt pecuniam Quo etiam capto illud prosterni fecit et reddi W[illelmo] de Bello Campo super quem dominus J[ohannes] rex castrum illud ceperat per guerram et unde J[ohannes] rex seisitus fuit quando obiit Ad hoc respondit quod per illum solummodo non fuit castrum obsessum sed per commune consilium regni et per delictum Falconis et suorum quia fecit capi Henricum de Braybroc justitiarium domini regis per W[illelmum] de Breaute fratrem suum Unde dominus rex misit literas suas eidem Falconi una vice et alia pro deliberando justitiario suo pro quibus nihil facere voluit Rex etiam misit literas suas Willelmo de Breaute qui respondit quod ipsum Henricum non redderet sine Falcone fratre suo et quod frater suus bene advocaret quod fecit Unde dominus rex habito consilio cum magnatibus suis accessit usque Bedefordiam et misit ad illos qui erant infra castrum Petrum filium Hereberti et Alanum Basset petens quod deliberarent Henricum de Braibroc justitiarium suum quem tenebant imprisonatum et quod venissent emendare delictum super captione dicti justitiarii domini regis Et ipsi responderunt quod nihil facerent pro domino rege et quod ipsum Henricum tenerent et si possent plus caperent unde per consilium magnatum Anglie fuit castrum obsessum captum et dirutum Quo diruto fuit sedes castri tradita Willelmo de Bello Campo per consilium magnatum Anglie hac ratione quod in forma pacis inita inter dominum regem et dominum Lodovicum et barones continebatur quod quisque haberet talem seisinam quam habuit in principio guerre Unde dominus Gwalla legatus archiepiscopus et episcopi excommunicaverunt omnes qui venirent contra istam formam pacis Et quia idem W[illelmus] semper erat petens versus dictum Falconem dictum castrum ut jus suum nec habere potuit donec fuit captum per dominum regem idem dominus rex de consilio magnatum suorum propter formam pacis facte et pre timore sententie late dictam sedem castri ei reddidit tenendum eodem modo quo antecessores sui tenuerunt prout patet in rotulis domini regis Et etiam idem Willelmus dedit domino regi de suo ut talem seisinam haberet ut patet similiter in rotulis domini regis Et si hoc non sufficit dicet aliud Et super hoc [] Item quod de hoc respondeat quod Romam nuntios destinavit et antequam dominus rex esset plene etatis impetravit quod esset plene etatis sicut hoc esset ad commodum domini regis et auctoritate cujus etatis incantari sibi fecit terras que fuerunt H[enrici] de Essexia et plures alias terras dignitates et libertates de quibus seisinam per se ipsum cepit post mortem ipsius regis J[ohannis] et de quibus idem rex J[ohannes] obiit seisitus et etiam dari fecit et confirmari viris religiosis personis ecclesiasticis et aliis multas terras et libertates et alia ad minorationem et magnam deteriorationem dignitatis domini regis et corone sue Ad hoc respondit quod non destinavit nuntios Romam sed episcopus Wintoniensis misit Romam W de Sancto Albano pro dicto negotio magis ad nocumentum dicti Huberti quam ad commodum suum ut ipse et alii redderent custodias suas et ita factum fuit apud Norhampton Postea de communi consilio archiepiscopi et episcoporum provisum fuit quod dominus rex haberet sigillum et currerent litere sue ut sic majoris timoris esset regno et majoris auctoritatis Postea impetrata fuit venia sure retatis ad suggestionem archiepiscopi episcoporum comitum et baronum ab Honorio Papa Suggesserunt enim Pape quod prudentia et discretio sua etatem suam supplevit sicut continetur in privilegio Honorii Pape directo comitibus et baronibus quod sic incipit [] Et comiti Cestrie scripsit hoc modo [] Sub eisdem verbis scripsit Wintoniensi episcopo Cancellario vero scripsit sic [] De terra H[enrici] de Essexia dicit quod dominus rex sui gratia quando fuit plene etatis et postquam cancellarius per dominum Papam tantummodo ipsi intendebat illam terram ei dedit per cartam et etiam terram ut jus suum ei reddidit postquam venit ad pacem suam Et si hoc non sufficit [] et paratus est super hoc [] Item quod respondeat de hoc quod cum dominus rex Scotie W[illelmus] aliquando tradidisset domino J[ohanni] regi duas filias suas et unde primogenita maritari deberet domino regi vel comiti Ricardo si de domino rege humanitus contingeret et pro quo maritagio idem rex Willelmus quietum clamavit regi J[ohanni] totum jus suum quod habuit in terris Cumberlande Westmerilande et Northumberland et preterea dedit ei quindecim milia marcarum argenti ipse antequam dominus rex talis esset etatis quod posset decernere utrum ipsam vellet habere in uxorem vel non desponsavit eam Et ita quod cum dominus rex pervenit ad etatem oportuit eum dare regi Scotie qui nunc est ducentas libratas terre pro quieta clamatione predictarum terrarum quia prime conventiones non fuerunt observate et hoc non obstante quod prius desponsaverat comitissam Glovernie que aliquando desponsata fuit domino J[ohanni] regi duro fuit comes et quam rex J[ohannes] commisit ei in custodiam et cujus maritagium vendiderat aliquando G[alfrido] de Mandevile pro viginti milibus marcarum et unde utraque illarum conjuncta fuit alteri consanguinitate in certo gradu Ad hec respondit quod de conventione inita inter duos reges scilicet de maritagio faciendo domino regi vel comiti Ricardo nunquam scivit sed quod per dominum regem de consilio magnatum maritari debuit et de eorum consilio fuit maritata patet tam per literas domini Pandulfi tunc legati Anglie quam per literas Cantuariensis archiepiscopi episcoporum comitum et baronum Nec etiam illa conventio potuit impedire si facta fuit quia quando maritata fuit rex fuit talis etatis quod potuit contraxisse cum illa vel cum alia si voluisset De consanguinitate inter comitissam Glovernie et filiam regis Scotie nihil scit De ducentis libratis terre oblatis regi Scotie nihil factum fuit per comitem Kantie De comitissa Glovernie elicit quod non fuit in custodia Huberti sed erat domina de seipsa et licebat ei maritare seipsam cui voluit post mortem G[alfridi] de Mandevile cum dominus rex Johannes prius dicto G[alfrido] maritagium ejusdem comitisse vendiderat Et si hoc non sufficit dicet aliud et super hoc paratus est [] Item quod respondeat de hoc quod cum dominus Papa dedit in mandatis quod occasione illius parentele fieret divortium inter ipsum et comitissam uxorem suam quam nunc habet ipse fecit triturare omnia blada Romanorum per illos qui vocabantur Le Wythereis unde sententia excommunicationis generaliter lata fuit in omnes malefactores illos et eorum fautores Et hoc fecit dum fuit justitiarius et per eum qui pacem deberet observate et ita quod pax hucusque per hoc extitit perturbata Ad hoc respondit quod nihil scit quia per ilium non fuit hoc factum quod patet manifeste quia dominus Papa super hoc fecit fieri inquisitionem per episcopum Wintoniensem et abbatem Sancti Eadmundi et inquisitio facta transmissa fuit ad Papam per quam inquisitionem apparuit manifeste quod non fuit in culpa quia si fuisset Papa punisset eum quod non fecit Et si hoc non sufficit [] et super hoc paratus est facere quod pares sui considerabunt Item quod respondeat de hoc quod cum se poneret in prisonam domini regis et per conventionem inter eos factam quod pro ut labo teneretur si unquam de prisona illa evaderet sine licentia ipsius domini regis ipse de prisona illa evasit et cum per conventionem illam et per sectam illorum de quorum custodia evasit ut legatus esset et postmodum dominus rex in gratiam suam illum recepisset ipse de ut lanaria illa ei remissa nullum breve domini regis recipere voluit Et eo postmodum in gratiam domini regis taliter recepto quod salve essent donationes quas dominus rex prius fecerat de terris quas habuit in manu sua per conventionem illam ipse nihilominus postmodum contra conventionem illam in placitavit Johannem de Gray Masty [de] Besily Anketillum Malure Robertum Passelewe Alanum Urry et plures alios et versus eos recuperavit et unde dominus rex aliquibus ex illis fecit escambium de dominicis suis ad magnum ejus incommodum et unde videtur domino regi quod predicto comiti conventionem tenere non debet ex quo ei nullam tenuit Ad hoc respondit quod nullam talem conventionem fecit et dicit quod cum esset in custodia quatuor comitum Anglie per sic quod in mandatis ceperunt quod nihil periculi in suo corpore eveniret postmodum subtracti fuerunt ei custodes qui deberent eum a malis tueri nescit per quem unde merito sibi timuit et precipue cum Wintoniensis episcopus esset consiliarius domini regis qui minitabatur ei sicut Anglia scit et castrum Divisorum fuit in custodia Petri de Rivallis unde cum tutela sua que eum debuit protegere ex conventione quando sic fuit in custodia a se recederet non fuit mirum si ad ecclesiam confugeret et hoc nulla ratione fecisset si conventiones essent illi sub salva custodia servate De ut legatione unde dicitur dicit quod talem conventionem non fecit neque debet talis conventio aliqua reputari quia nullus probus homo et fidelis potest ut lagani ex conventione quia ut legatio est pena malefactoris et non bene operantis et sequitur ex malefacto illius qui non vult stare recto Ipse vero non fuit talis quia semper rogavit et optulit stare judicio parium suorum Postmodum cum esset reversus ad pacem domini regis remissa sunt ei omnia premissa et adjudicata et proclamata est illa ut legatio nulla per omnes comitatus Anglie per literas domini regis Et istud judicium fuit factum apud Gloverniam per os domini W[illelmi] de Radleghe coram archiepiscopo episcopis comitibus et baronibus Ad hoc quod dicit se nolle recipere breve de remissione ut legationis respondit quod hoc fecit ne videretur se confiteri juste tanquam malefactorem ut legatum et dicit quod nullum in placitavit contra conventionem quia nullam conventionem fecit domino regi nisi de justitiaria Anglie et de castro Dovorie que habuit per cartam ad vitam suam Et hoc bene patet quia per voluntatem domini regis et in curia sua recuperavit super eos quos in placitavit et per judicium curie sue unde non est in culpa super hoc Et si hoc non [] et super hoc paratus est [] Item quod respondeat de hoc quod verba probrosa et turpia dixit domino regi in presentia domini R[adulphi] filii Nicholai G[alfridi] de Craucumbe fratris G[odefridi] et aliorum et dominus rex adhuc multa habet contra ipsum proponenda et dicenda que adhuc reservat in animo propositurus ea cum ei placuerit et locus affuerit Ad hoc respondit et hoc defendit precise sicut contra dominum suum et contra omnes alios qui hoc dicent per quodcunque pares sui considerabunt et omnia premissa in reformatione pacis ei fuerunt relaxata et in jure remissa Unde non videtur quod super premissis possit conveniri de jure et si in aliquo premissorum fuerit insufficienter responsum paratus est comes aliud dicere Item videtur ei quod non tenetur respondere nisi restitutus esset de omnibus bonis suis de quibus dissaisitus fuit cum nullus tenetur respondere in foro seculari vel ecclesiastico dissaisitus Dies datus est eidem H[uberto] coram domino rege de audiendo judicio suo in crastino decollationis sancti Johannis