Charter Document - 06500043
| Charter Number: | 06500043 |
|---|---|
| Cartulary Title: | Cartulary of St. Albans |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1188 |
| Date type: | Assigned |
| Resource Link(s): |
British Library - Cotton MS Nero D I (f160r) |
Charter:
Clemens episcopus servus servorum Dei dilectis filiis Garino abbati et fratribus Sancti Albani salutem et Apostolicam benedictionem Quanto ex assumpto sollicitudinis ministerio major cura de Dei ecclesiis nobis imminet tanto illis propensius adesse volumus et tenemur que et ad proprietatem Romane ecclesie nullo mediante pertinent et in eis Domino gratior cura pietatis opera impenditur famulatus Cum vos et monasterium vestrum a multis malitiose provocari contingat et sepe pro causis emergentibus convocati ammonitione sicut decet legitima non premissa ad respondendum judicibus delegatis malitiose cogamini magnum vobis pro hujusmodi vexationibus dispendium provenit et gravamen volentes igitur in tanto gravamine vobis vestrisque successoribus benignitate Apostolica providere presenti pagina vobis duximus indulgendum ne vestrum aliquis teneatur alicui ante commonitionem sibi ab Apostolica sede premissam in jure aliquatenus respondere Injustum est enim et dissonum rationi ut cum Romano Pontifici nullo mediante speciali teneamini jure subjecti vos vel successores vestros patiamur ab aliquo minus rationabiliter fatigari Decernimus ergo [] Datum Laterani kalendas Junii
Source (click image below to view full size)
