Charter Document - 06500032
| Charter Number: | 06500032 |
|---|---|
| Cartulary Title: | Cartulary of St. Albans |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1188 |
| Date type: | Assigned |
| Resource Link(s): |
British Library - Cotton MS Nero D I (f160v) |
Charter:
Clemens episcopus servus servorum Dei dilectis filiis Garino abbati et conventui Sancti Albani salutem et Apostolicam benedictionem Quotiens a nobis petitur quod rationi congruit et consonat equitati animo nos decet libenti concedere et petentium desideriis favorem congruum impertiri Ea propter dilecti in Domino filii vestris justis postulationibus gratum impertientes assensum ea que dilectus filius noster jam dictus abbas vester de communi assensu capituli vobis in perpetuum assignavi et scripto autentico confirmavit vobis clementer annuimus et concessionem illam prout rationabili providentia facta est ratam habentes vobis vestrisque successoribus auctoritate Apostolica confirmamus et presentis scripti patrocinio communimus In quibus hec propriis duximus exprimenda vocabulis ecclesiam de Wineslawe pro vestibus monachorum ecclesiam de Wathforda pro susceptione hospitum coquine monachorum ecclesiam Sancti Stephani cum capella de Tidulvestre cum omnibus pertinentiis suis ad nutrimenta pecorum celerari totam terram de Tidulvestre sicut fossato clauditur et communem pasturam bosci de Borham et in Londoniis redditum sex solidorum in Clohalle triginta acras terre et redditum triginta denariorum cum communi pastura ejusdem ville preterea terram de Leuesende et terram de Rodeslo ad prebendam hospitum supervenientium omnimodas obventiones ecclesie de Waldene ad libros resarciendas ecclesiam de Estune ad procuranda vasa in refectorio fratrum ecclesiam de Stanmere Auctoritate insuper Apostolica firmiter inhibemus ne de sartis vestris vel terris ab antiquo incultis de vestrorum quoque animalium nutrimentis et de novis molendinis et de aliis omnibus de quibus antiqui decimas non consuevistis exsolvere ulli presumatis persolvere nec sit ausus aliquis super eisdem exigere decimas vel quomodo libet extorquere Decernimus ergo [] Datum Laterani iv nonas Aprilis
Source (click image below to view full size)
