Charter Document - 06490091
| Charter Number: | 06490091 |
|---|---|
| Cartulary Title: | The Cartulary of Tewkesbury Abbey |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1216 - 1232 |
| Date type: | Assigned |
| Resource Link(s): |
British Library - Cotton MS Cleopatra A VII (f94r) |
Charter:
Hec est forma pacis per amicabilem compositio nem concepta circa festum sancti Michaelis inter P abbatem Theok et conventum ejusdem loci ex una parte et dominum Radulphum de Haya militem et uxorem suam ex altera super procurationibus et corrediis petitis ex parti militis pro cariatione decimarum usque ad horreum suum de Oxendun et super decimas feni petitas ex parte abbatis et monachorum Theok vis quod dictus miles et uxor ejus remiserunt fratribus in perpetuum et quietum clamaverunt et sancte matrici ecclesie Theok totum clamium et jus quod se dicebant habere in dictis corrediis et procurationibus et quod cariabunt singulis annis integre et fideliter omnes decimas garbarum suarum de Oxendun usque ad horreum suum et servientes domini abbatis et monachorum recipient eas ibidem abs conditione et difficultate et ducent eas quo voluerint Item pro decimis feni ut dictum est in dominico de Oxendon et de Wilnagio et de prato liberorum hominum dederunt et concesserunt de dominico suo R miles et uxor ejus consentientibus omnibus tenentibus eorum cum liberis hominibus et aliis matrici ecclesie sue de nomine decime feni totius manerii sui de Oxenduna tres acras prati in illo loco qui vocatur Serues distinctas et divisas per quatuor fossata in quatuor angulis facta Et renunciatum est hinc inde omni petitioni expensarum circa litem factarum et omni refusione damnorum hinc inde perpessorum et impetratis et impetrandis et appellationibus et omnibus aliis atque presentem compositionem in perpetuum duraturam auctoritate domini pape confirmabunt quia partes se perpetuo observaturos eam corporaliter juraverunt Et in rei facte testimonium tam abbas et conventus quam miles huic scripto sigilla sua apponere velle se profitebantur