Charter Document - 06490089

Sanctissimo patri ac domino reverentissimo [] Dei gratia summo universalis ecclesie pontifici devoti in Christo salutem Humilis prior Theok et ejusdem loci conventus cum omni devotione plenam in domino reverentiam et debitum ac devotum subjectionis et obedientie famulatum Cum reverendus et dilectus pater pastor ac abbas noster dominus Petro multis molestiis contumeliis et injuriis sibi indebite et immerito illatis tam per dominum episcopum Wigorniensem dioecesanum nostrum qui eum ex pridem persecutus est faciens in monasterio nostro frequenter convocationem et scrutinia insolita contra eum alia mala quam plurima pro posse suo machinans et inferens eidem per que et nos non modicum turbati sumus et monasterium nostrum in multis lesum et scandalizatum quam per quendam fratrem nostrum Ricardum de Campeden nomine quem et dictus episcopus in odium capitis abbatis nostri a multo tempore fovit et adhuc fovet de cujus consensu et voluntate sumptibus suis exhibitus et cum testimonio literarum suarum jam bis Romam profectus falsis et frivolis suggestionibus sanctitatem vestram circumvenit infamando et repetendo malitiose dictum dominum abbatem nostrum super quibusdam dilapidationibus et alienationibus ac aliis malis a quibus omnibus immunis est ex multo tempore jamdudum fuerit afflictus et fatigatus quoniam religiosorum vite congruit veritati testimonium perhibere quo facilius minus juste oppressus liberetur a calumpnia ac bonorum et piorum filiorum interest pro patris contumelia et injuria se defensores opponere ad abolendam confusionem suam et infamiam viriliter insurgentes ac usque ad sanguinem si opus esset pro eo decertantes nos quicquid dilecto dicto patri nostro et pastori nostro mali vel molestie ab aliquo infertur nobis omnibus illatum reputantes sanctitati vestre fideliter volumus constare dictum dominum Petro abbatem nostrum virum scilicet honestum moribus et omni bonitate religionis ac sanctitatis ornatum ac bona fama et integra opinione omnium a quibus notus est approbatum qui nobis et ecclesie nostre sibi commisse ita huc usque laudabiliter prefuit quod cum hic super pauca fidelis extiterit eo ipso merito supra multa alibi constitui promeruerit juxta illud evangelium velut bonus dispensator bona monasterii nostri in aliquo non minuisse immo per omnia tam in terris et reditibus quam ornamentis ecclesie et aliis rebus multis ampliasse dispersa a multo tempore congregans et congregata conservans nec aliqua de bonis monasterii etiam in minimis alienasse vel dilapidasset quod absit immo potius in omnibus augmentasse prout ipsa rei veritas evidentius patet Ipse bonis operibus suis clarescentibus et clamantibus ac sibi super hoc licet etiam nos silere vellemus testimonium perhibentibus Preterea cum aliquam propter temporis seu aliquem alium casum in fortuitum quedam victui nostro necessaria que juxta consuetudinem domus nostre nobis solebant et debebant exhibui subtraherentur sive propter aliquam aliam con et dissentionem instinctu diabolico inter nos dominum abbatem nostrum exortam quasdam querimonias coram domino episcopo Wigorniensi adhuc existente deponeremus pravis aliquorum malevolorum consiliis et suasionibus circumventi seducti ad hoc dolose instigati cum scriptum sit quod humanum sit cadere sed diabolicum perseverare tandem redarguentibus et ludentibus nos conscientiis nostris penitentes nos et indiscrete ac minus sapienter egisse recognoscentes dictis querimoniis omnino in perpetuum renunciamus et ne inde in posterum aliqua mentio fiat per nos vel alios neque aliqua controversia de cetero oriatur aut occasione dictarum querimoniarum dictus dominus abbas noster aliquando ab aliquo contumeliam vel molestiam aliquam patiatur id per patentes literas presentes testificamur Ut autem super omnibus suprascriptis sanctitas vestra indubitanter absque omni simulatione ficte fraudis vel doli machinatione certissima reddatur omnia suprascripta coram reverenda paternitate vestra protestamur dictum Petro abbatem nostrum de omni alienatione et dilapidatione ab ipso vel per ipsum facta plene excusantes et dictis querimoniis contra eum indebite et immerito factis renunciantes tam presentibus literis nostris testimonialibus sigillo ecclesie nostre signatis quam subscriptionibus omnium et singulorum nostrorum inferius annotatis Vitam et incolumitatem vestram conservit sibi Deus et ecclesie sue per tempora diuturniora