Charter Document - 06490087
| Charter Number: | 06490087 |
|---|---|
| Cartulary Title: | The Cartulary of Tewkesbury Abbey |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1216 - 1232 |
| Date type: | Assigned |
| Resource Link(s): |
British Library - Cotton MS Cleopatra A VII (f92r) |
Charter:
Notum sit omnibus Christi fidelibus presens scriptum visuris vel audituris quod P abbas Theok et ejus loci conventus magister Stephanus de Torneburia et David tunc decanus Bristoll rectores ecclesie beati Petri juxta castrum Bristoll et capelle ville de Manegodesfeld ad ipsam pertinentis concesserunt pure et liberaliter quantum in ipsis est domino Willielmo de Putot tunc vicecomes Gloucestrie et heredibus suis liberam cantariam suam ad opus suum et totius familie sue hospitum suorum in capella quam de consensu omnium predictorum construxit in curia sua in Manegodesfeld et quod capellanus dicte capelle in curia continue residens sive absens habeat omnes obventiones et oblationes ipsius capelle preterquam in die Natalis Domini et Pasche et festi sancti Athelberti quod est festum capella de villa Quibus diebus dictus W de Putot et familia sua et hospites qui presentes fuerint et potentes audiant divina in prefata capella ville Et si forte alique obventiones dictis diebus in dicta capella curie evenerint matrici ecclesie reddantur salvis ipsi matrici ecclesie omnibus decimis majoribus et minoribus de curia et sibi legatis Nullus autem parochianorum admittatur in dicta capella in curia in prejudicium matricis ecclesie nisi sit de familia vel hospitibus curie ad aliqua ecclesiastica sacra menta nec aliquid tangens jus parochiale circa ipsos exerceatur a capellano capelle de curia sine consensu matricis ecclesie vel capellani capelle de villa Et hoc si noluerit capellanus curie qui si continua residentia fuerit ibidem facinus matrici ecclesie prestabit juramentum fidelitatis In cujus rei robur et testimonium predictus abbas et conventus et predicti ecclesie sancti Petri et predictus W de Putot vicecomes Gloucestrie huic scripto sigilla sua apposuerunt Hiis testibus Radulpho de Wilet Roberto de Turvile et Multis Aliis