Charter Document - 06490080
| Charter Number: | 06490080 |
|---|---|
| Cartulary Title: | The Cartulary of Tewkesbury Abbey |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1216 - 1218 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos carta pervenerit Sylvester Dei gratia Wigorniensis episcopus eternam in Domino salutem Cum ex susceptione officii pastoralis regimine plantare debemus religionem et fovere plantatam quam si forte non habe mus in nobis in aliis tamen augere tenemur et conservare Attendentes in locis religiosis illud coram Deo et specialius prefulgere quod in ipso fonte caritatis frequentius exercetur ipsa opera caritatis in eis augere decrevimus et nutrire Verum quod hospitum susceptio magister est et magistra inter cetera caritatis opera dicente Domino Hospes fui et collegistis me considerantes eam compositione et copiositate studiosa in abbatia de Theok continue vigere divine pietatis in dedimus et concessimus abbati et monachis Theok in proprios et perpetuos usus suos ecclesiam de Amenel et eos in ejusdem ecclesie corporalem possessionem solemniter fecimus induci Ita videlicet quod dicti abbas et monachi habeant et possideant prenominatam ecclesiam cum omnibus pertinentiis suis erogandam in perpetuos usus hospitum per magistrum hospitum quicunque pro tempore fuerit ibidem constitutus salva perpetua vicaria quinque marcarum honesto et idoneo capellano qui in ecclesia illa in propria persona deservierit ab ipsis presentato et a nobis et successoribus nostris canonice admisso Salvis etiam nobis et successoribus nostris et archidiaconis loci jure pontificali et parochiali et aliis hominibus ordinariis et consuetis a dictis abbate et monachis sustinendum et prestandum Ut autem hec nostra concessio et donatio perpetue firmitatis robur obtineat eam presentis scripti testimonio et tam sigilli nostri proprii quam sigilli universitatis conventus nostri Wigorniensis auctoritate pontificali corroboravimus Hiis testibus []