Charter Document - 06482085
| Charter Number: | 06482085 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Receipt |
| Date: | 1298 |
| Date type: | Internal, Calendar, Regnal |
| Resource Link(s): |
|
Charter:
Nobili viro constabulario domini regis Anglie de Karliolo Johannes le Deter major Dublin et Henricus de Walton camerarius saccarii Dublin attornati reverendorum virorum dominorum J Wogan justiciarii Hibernie et Willelmi de Estden thesaurarii ibidem salutem Mittimus vobis ad municionem castri predicti in nave que vocatur la Gabriel de Drogheda unde Ricardus Tromper est magister quadraginta quarteria frumenti triginta quarteria brasii frumenti et sexaginta quarteria brasii avenarum per mensuram Londoniensem rogantes quatinus dicta bladum et brasium recipiatis et litteras vestras testimoniales de aquietancia per presencium latorem nobis inde mittatis De quibus vero blado et brasio est una pars cyrograffi in manu latoris presencium et alia pars in manu predicti magistri In cujus rei testimonium has litteras nostras vobis mittimus patentes sigillis prepositure Dublinenis et nostris signatas Data Dublin xxv die Februarii anno regni regis E[dwardus] vicesimo sexto