Charter Document - 06481118
| Charter Number: | 06481118 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1308 |
| Date type: | Assigned |
| Resource Link(s): |
Borthwick Institute - Register 7 (f291v) |
Charter:
Nos frater Wlfrannus de Jac sedis Apostolice gratia episcopus Bethleymitanus tenore presentium notum facimus universis quod nos officium questandi omnemque administrationem ecclesie Bethleemitane ac omnium membrorum ejusdem interdicimus omnibus tam Fratribus Bethleemitanis quam etiam aliis quibuscunque cum nobis constet eos abuti privilegiis concessis nobis ac nostre ecclesie de Bethleemitane circum ecclesiam factam [] per nos ac predecessores nostros quos vicarios vel procuratores revocamus annullamus ac penitus irritamus Quod si post istam nostram revocationem ac inhibitionem aliqui questare presumpserint tanquam falsarii capiantur nobisque et eos capientibus quecunque super se habuerint condividuntur Nos etiam rogamus Priorem Provincialem Fratrum Predicatorum in Anglia Priorem conventualem et Gardianum Fratrum Minorum de London et quemlibet eorum in solidum quod istam nostram literam per aliquos fratres suos vel alios prout sibi videbitur faciendum publicari et de dicta publicatione sub sigillo authentico nos informent ut si necesse fuerit seculare brachium vel potestatem regiam invocemus Data Amb in vigilia Beati Jacobi