Charter Document - 06481049
| Charter Number: | 06481049 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1286 |
| Date type: | Internal, Calendar, Regnal |
| Resource Link(s): |
Borthwick Institute - Register 4 (f7v) Reference Document for this Embedded Document |
Charter:
Edwardus Dei gratia [] venerabili patri J eadem gratia archiepiscopo Eboracensi salutem Mortis humane conditio mulli parcens sororium nostrum carissimum clare memorie Alexandrum Scotie regem illustrem nuper ab hac luce subtraxit Et quoniam sicut scitis pium existit pro defunctis orare ut a peccatorum maculis abstergantur caritatem vestram requirimus et rogamus quatenus in singulis locis tam religiosis quam collegiatis necnon parochialibus ecclesiis et capellis vestre dioeceseos faciatis pro anima dicti regis missarum sollemnia cum servitio pro defunctis celebrari devote et orationum suffragia impertiri Personas insuper exemptas vestra dioeceseos ad opera caritatis premissa similiter excitetis ut per vestram devotam sollicitudinem in hac parte resolutus predictus sentiat relevamen et vestrorum apud Altissimum meritorum cumulus augeatur Teste meipso apud Langelegum xvij die Aprilis anno regni nostri xiiij