Charter Document - 06481047
| Charter Number: | 06481047 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1286 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f65v) |
Charter:
Frater J[ohannis] permissione Divina Cantuariensis ecclesie minister humilis totius Anglie primas dilectis filiis [] decano suo de Arcubus London et magistro Willelmo de Haleberg salutem gratiam et benedictionem Quia intelleximus dominum archiepiscopum Eboracensem Dominica in Ramis Palmarum applicaturum Dovor et sic erecta cruce versus dominum regem per civitatem London transiturum vobis in virtute obedientie firmiter injungendo mandamus quatenus ipsius adventum sollicite explorantes quantum licite poteritis ob sistatis eidem monendo et exhortando ne quoquo modo crucem suam per provinciam nostram erigat Inhibentes nihilominus districtius omnibus per quos transitum fecerit ne quis eorum quamdiu erectam crucem habuerit ei reverentiam exhibeat ali qualem et civitatem ipsam atque loca vicina quamdiu in ipsis moram fecerit supponatis ecclesiastico interdicto Quod si non ambo his exequendis potueritis interesse unus vestrum ea nihilominus viriliter exequatur Ad hec premuniatis dominum Londoniensem episcopum de adventu tam subito archiepiscopi memorati Valete Date apud Saltwode viii idus Aprilis ordinationis nostro octavo